Foto: Túrkistan oblysy ákimdigi. Telegram
«2021 jyly 31 naýryzda Túrkitildes memleketterdiń yntymaqtastyq keńesiniń VIII beıresmı sammıtinde taraptar Túrkistandy túrki áleminiń rýhanı astanasy dep ataý týraly deklarasııaǵa qol qoıdy. Atalǵan qujat jáne Túrki tildes elderdiń týrızm baǵytyndaǵy joǵary deńgeıdegi kezdesýleri men kelisimderi Túrkistanǵa tyń serpin beredi. Jańa Túrkistan Túrki áleminiń mádenı-rýhanı ortalyǵyna aınalatynyna senemin», degen oblys ákimi Darhan Satybaldy aımaqta atqarylyp jatqan aýqymdy jumystardy atap ótti.
Forýmnyń basty maqsaty – túrki áleminiń týrıstik astanalary arasynda ózara tıimdi yntymaqtastyq ornatý jáne 2024 jyly túrki áleminiń kelesi astanasy retinde Túrkistan qalasymen tanystyrý.
«TMU keńistigindegi «Túrki áleminiń týrıstik astanasy» mańyzdy bastamasy Uly Jibek joly boıyndaǵy qalalardyń týrıstik áleýetin ashýǵa múmkindik berip, bir-biriniń mádenı jáne dástúrli qundylyqtaryn bilý arqyly barlyq túrki elderi halyqtarynyń tyǵyz baılanysýyna yqpal etedi», dedi forýmda Týrızm jáne sport vıse-mınıstri Erjan Erkinbaev.
Aıta ketsek, kúni keshe TMU elderindegi týrızm máselelerine jaýapty mınıstrlerdiń VIII otyrysy aıasynda Túrkistandy 2024 jylǵa arnalǵan Túrki áleminiń astanasy dep jarııalaý bastamasy maquldandy. Atalǵan sheshim týraly resmı habarlandyrý el basshylarynyń taıaýda ótetin sammıtinde josparlanyp otyr.
