Dala saltanaty

Án – halyqtyń qazynasy. Qazaq­tyń dástúrli óneri keshegi men búgin­di jalǵaǵan altyn kópir sekildi. Halqy­myzdyń bolmysyn, jerimizdiń keń­digin, dalanyń darhandyǵyn kórgi­ńiz kelse – dástúrli án tyńdap, kúm­birlegen kúıge qulaq túrińiz.

Atalǵan konsertke dástúrli án mek­­tepteriniń barlyq ókili qatysty. Arqa men Jetisýdyń, Syr men Batys­tyń, Altaı men Tarbaǵataıdyń bire­se keń qulashty, birese syrly, naz­dy ánderi men dombyranyń shana­ǵyn­­da kúmbirlegen kúıleri saltanat qur­dy. Hakim Abaı atamyzdyń «Segiz­­aıaq» áni kókke sharyqtady.

Ási­rese Qazaqstannyń eńbek sińirgen qaı­rat­­ker­leri, belgili dástúrli ánshiler Aıgúl Qosanova, Gúlmıra Sarına, Gú­l­zıra Bókeıhan, óner maıtalmandary Seken Syzdyqov, Nuraı Tanabaev, Be­rik Omarov, Telman Núrkenov, Da­nııar Muqan, Áıgerim Nartúıe, Ara­fat Ysqaqov, Beıbit Musaev, ha­lyq­­aralyq jáne respýblıkalyq baı­qaý­lardyń jeńimpazdary Sáýle­jan Taǵ­zııa, О́zgeris Sherikbaı, Aınur Qonys­baeva, Jaqsykeldi Maıasarov, Jan­dos Imanbaı, Zınat Qasymova, Nur­jan Meıirhan, Rahat Bekasylov, Alýa Qalymbekova, Aıdos Ońǵarbaı sal­ǵan ánder men oryndaǵan kúıler ty­ńdar­man qulaǵynyń quryshyn qan­dyr­dy. Sondaı-aq «Saryarqa» halyq mý­zy­kalyq ansambli men «Shalqyma» ha­lyq bı ansambli de óner kórsetip, jurtshylyq yqylasyna bólendi.