Jas býynnyń elaralyq baılanysy

Jıyndy О́zbekstannyń Jastar saıasaty jáne sport mı­nıstri Adham Ikramov ash­ty. Baıandamashy Azııadaǵy beı­bitshilikti, qaýipsizdik pen tu­raqtylyqty ilgeriletýge ar­nalǵan úkimetaralyq fo­rým retinde AО́SShK mańy­zyn, sondaı-aq AО́SShK Jas­tar keńesiniń jastardy damy­týǵa ortaq kózqarasty qa­lyp­tastyrýdaǵy rólin atap ótti. Sala basshy­sy О́zbekstannyń jas­tar saıa­sa­tyndaǵy keıingi ózgeris­ter týraly áńgimelep berdi. Jas­tar parlamenti syndy bas­tamalar men ár aýdanda Jas­tar agenttiginiń ókilderin taǵaıyndaý bastamalaryna toqtaldy. Sondaı-aq zorlyq-zombylyq, ekstremızmniń aldyn alý maqsatynda jastar­dyń radıkaldanýyna jol bermeý qajet ekenin jetkizdi.

О́ziniń quttyqtaý sózinde AО́SShK bas hatshysy, elshi Qaırat Sarybaı uıymnyń aımaqtyq úderisterdi damytýyna О́zbekstannyń qosqan belsendi róli men úlesin erekshe atap ótti. Q.Sarybaı ótken jyly Astanada ótken AО́SShK altynshy sammıtinde О́zbekstan Prezıdenti Shav­kat Mırzııoev jastar múd­desine qatysty júıeli yn­ty­maqtastyq shaqyrǵanyn qa­tysýshylar esine saldy. Ártúrli jastaǵy adamdar ara­syndaǵy ózara túsinistikti damytý jáne jastardyń eń ózekti máseleleriniń sheshimin birlesip izdeý úshin Prezıdent Mırzııoev jańa formatty – Jastar keńesiniń osy otyrysynda bastalǵan «Urpaqtar dıalogin» usyndy. Atalǵan bastama sapaly bilim be­rý, klımattyń ózgerýi jáne krea­tıvti ekonomıka másele­lerine arnalǵan.

AО́SShK bas hatshysy 2023 jylǵy 21 qyrkúıekte Nıý-Iorkte ótken AО́SShK mınıstrler keńesi otyrysynyń qorytyndylaryna toqtaldy. Atap aıtqanda, AО́SShK Trans­formasııasynyń jol kar­ta­syn bekitý jáne Tu­raq­­ty damý maqsatyn ilgeri­letý úshin volonterlik qyz­met­ke járdemdesý týraly má­lim­de­meni qabyldaý jónin­degi sheshimderdi áńgimelep ber­di. Sonymen qatar bas hat­shy AО́SShK-niń jańa basta­malarymen tanystyrdy. Sonyń ishinde 2024 jyly Astanada Jastar keńe­si­niń qamqorlyǵymen uıym­ǵa múshe memleketterde volonterlik qozǵalystar kóshbas­shylary­nyń kezde­sýin ótkizý, sondaı-aq AО́SShK elderiniń jetek­shi ýnı­versı­tetterinde serik­testik jelisin qurý bar.

«О́skeleń urpaq – Azııadaǵy turaqty damý men órkendeýdiń negizgi qozǵaýshy kúshi jasta­rymyzdyń quqyqtary men múm­kindikterin jaqsartýǵa, gúldengen, ádil jáne ınklıý­zıvti Azııany birlese qurýǵa arnalǵan baǵytty belgilegen jón», dedi Qaırat Sarybaı.

Jastar keńesi otyrysy barysynda qatysýshylar óz elindegi ulttyq jastar saıasaty týraly baıandama jasady. Sonymen qatar jastardyń radıkaldanýynyń túpki se­bep­terin jáne onyń tamyr jaıýyna jol bermeý úshin BAQ jáne basqa da quraldar ar­qyly qalaı birlesip jumys isteı alatynyn talqylady.

AО́SShK Jastar keńesi­niń altynshy otyrysyna Ázerbaıjan, Bangladesh, Iz­raıl, Úndistan, Iordanııa, Irak, Qazaqstan, Kambodja, Qy­taı, Qyrǵyzstan, Pales­tına, Reseı, Tájikstan, Taı­land, Túrkııa, О́zbekstan jáne Shrı-Lankadan 100-den astam ókil qatysty. Atalǵan keńes – uıymǵa múshe memleketterge tıesili jastar uıymdarynyń, birlestikteri men qozǵalys­tarynyń qyzmetin úılestire­tin konsýltatıvtik-keńesshi organ. Jastar keńesi Azııada­ǵy ózara is-qımyldy, beıbit­shilik pen dostyqty nyǵaı­tý úshin uıymdaǵy jan-jaq­ty yntymaqtastyqqa járdem­desedi.