Is-sharaǵa elorda men óńirlerdegi úkimettik emes uıymdar, qoǵam qaıratkerleri, eriktiler qaýymdastyǵynyń músheleri jáne elorda ákimdiginiń ókilderi qatysty.
«Qazir elordada 15-ten asa kópfýnksıonaldy ortalyq jumys isteıdi. Ortalyqtardyń maqsaty – azamattyq bastamalardy qoldaý jáne daǵdarys jaǵdaılaryn sheshý. Qaladaǵy úkimettik emes uıymdardyń úzilissiz jumysy arqyly iske asyrylǵan jobalardyń sany men sapasy jyl saıyn artyp keledi. Azamattyq qoǵam ókilderimen ózara is-qımyldy damytýdaǵy mańyzdy qadamdardyń biri «Astanadaǵy azamattyq bastamalar ortalyǵyn» qurý boldy», dedi Astana ákiminiń orynbasary Erlan Bekmurzaev.
Onyń aıtýynsha, bıyl elordada úkimettik emes uıymdarmen birlesip 55 áleýmettik joba qolǵa alynyp otyr. Jalpy, qalada bilim berý, densaýlyq saqtaý, qorshaǵan ortany qorǵaý jáne áleýmettik qoldaýdy qosa alǵanda, ártúrli qyzmet salalaryn qamtıtyn 3 myńnan asa úkimettik emes uıym jumys isteıdi.
«Bıyl oblystar men respýblıkalyq mańyzy bar qalalarda alǵash ret óńirlik forýmdar ótti. Bul – qoldanbaly ıdeıalar men bastamalar paıda bolatyn eń tıimdi alańdardyń biri. Onda jergilikti atqarýshy organdardyń ókilderi azamattyq qoǵam belsendilerimen qatar jergilikti qoǵamdastyqtyń ózekti máselelerin talqylaıdy, olardy sheshý joldaryn ázirleıdi, sondaı-aq úshinshi sektor men bılik ókilderi arasyndaǵy áriptestiktiń negizin qalaıdy», deıdi Astana qalasy azamattyq bastamalardy qoldaý ortalyǵynyń basshysy Arman Ashkın.
Forýmǵa qatysýshylardyń suraqtary men usynystaryn pysyqtaý úshin 3 taqyryptyq alań uıymdastyryldy. Onda qoǵamdyq birlestikter men qorlardyń ókilderi óz qyzmetiniń tıimdiligin odan ári arttyrý máselelerin talqylady.
