Is-sharada sóılegen sózinde Ǵ.Nurdáýletov qatysýshylarǵa Memleket basshysy Qasym-Jomart Toqaevtyń quttyqtaýhatyn oqyp berdi. Onda «Ortalyq Azııa – Úndistan» memleketteriniń basshylary qatysqan birinshi sammıtte óńirlik qaýipsizdikti nyǵaıtý ózara is-qımyldyń basty basymdyqtarynyń biri retinde belgilengeni aıtylǵan.
«Elderimizdiń Qaýipsizdik keńesi hatshylarynyń, ulttyq qaýipsizdik jónindegi keńesshileriniń ekinshi kezdesýi osynaý ózekti mindetti júzege asyrýǵa mańyzdy úles qosady. Qazaqstan Shanhaı yntymaqtastyq uıymy sammıtinde ádiletti álem men kelisimge qol jetkizý jolynda álemdik birlik týraly bastama kóterdi. Onda usynylǵan qaýipsizdiktiń jańa paradıgmasy jahandyq ońtústik pen jahandyq soltústik arasyndaǵy ashyq dıalog ustanymdaryna negizdelgen. О́ńirlik deńgeıdegi yntymaqtastyǵymyz búkil Eýrazııa keńistigindegi ózara is-qımyldy damytýǵa septigin tıgizerine senimdimin. Memleketterimizdiń aldynda ortaq kúsh-jigerdi talap etetin birqatar jalpy ózekti syn-tegeýrin tur. Onyń qatarynda halyqaralyq terrorızm, ekstremızm, esirtki tasymaly jáne transulttyq qylmys bar», delingen Prezıdenttiń quttyqtaýhatynda.
Memleket basshysy jıynǵa qatysýshylarǵa joldaǵan úndeýinde táýekelderdiń basym bóligi Aýǵanstandaǵy áskerı-saıası jáne áleýmettik-ekonomıkalyq ahýalǵa baılanysty ekenine nazar aýdarady. Ortalyq Azııadaǵy memleketter men Úndistan azyq-túlik qaýipsizdigin nyǵaıtýǵa birlese kúsh salýǵa tıis.
«Qazaqstan AО́K ónimderin jetkizýdiń óńirlik habyn qurý úshin qajetti resýrstar men ınfraqurylymǵa ıe. О́zge de salalar sııaqty bul baǵytty damytý kólik qaýipsizdigin qamtamasyz etýge tikeleı baılanysty. Qazirdiń ózinde Qazaqstan Azııa men Eýropa arasyndaǵy qurlyqtaǵy tranzıttik tasymal júıesinde mańyzdy býyn sanalady. Ortalyq jáne Ońtústik Azııa óńirindegi kólik baılanysy máselesin sheshý bizdiń jan-jaqty yntymaqtastyǵymyzdy sapaly jańa deńgeıge shyǵarýǵa qabiletti. Elderimiz aqparattyq qaýipsizdikke áser etetin yqtımal jáne naqty qaýip-qaterlerge tap bolyp otyr. Sondyqtan ózara tájirıbe almasyp, tehnologııalardy úırenýdiń paıdasy mol bolmaq», dedi úndeýde Qasym-Jomart Toqaev.
Prezıdent únemi aqparat pen saraptamalyq baǵalaýlarmen, onyń ishinde óńirlik qaýipsizdiktiń arhıtektýrasyna qatysty jańa ádistermen almasý mańyzyna toqtaldy.
«Jalpy, óńirdegi turaqtylyq pen qaýipsizdikti qamtamasyz etip, biz saýda-ekonomıkalyq yntymaqtastyqtyń odan ári tereńdetý jáne mádenı-gýmanıtarlyq baılanystardy keńeıtý úshin myǵym irgetas qalaımyz. Osyndaı formattaǵy kópjaqty dıalog qazirgi zamanǵy syn-tegeýrindegi únqatý boıynsha birlesken is-sharalardy júzege asyrý úshin laıyqty alańǵa aınalaryna senimdimin», delingen Memleket basshysynyń quttyqtaýhatynda.
Prezıdenttiń sálemdemesin oqyp shyqqannan keıin Ǵ.Nurdáýletov jıynǵa qatysty óz pikirin bildirdi. Onyń aıtýynsha, qaýipsizdik – ózara yntymaqtastyqtyń basty baǵytyna aınalyp otyr.
«Bul baǵyttaǵy baılanys kúsheıdi. Birinshi kezdesýden keıin bıylǵy naýryzda ShYU alańynda kezdestik. Jalpy, óńirlik jáne halyqaralyq qaýipsizdik salasyndaǵy ahýal dıalog der kezinde, ýaqtyly bastalǵanyn kórsetedi. Bul zamanaýı qaýip-qaterlerge qarsy turýǵa kúsh biriktirýde jaqsy múmkindik beredi», Qaýipsizdik Keńesiniń hatshysy.
