Ǵabeń álemine saıahat

Ǵ.Músirepovtiń mýzeı-úıinde sóz zer­geriniń ómiri men shyǵarma­shylyǵynyń aıshyqty kezeńderin, aıtýly eńbekterin, ult ádebıetine qosqan zor úlesin, taǵy­lymy men ónegesin qamtıtyn «Ǵabıt Músirepov kim?» atty jańa kitaptyń tanys­tyrylymy boldy. Kitap avtory – aqyn, ǵalym, Halyqaralyq «Alash» ádebı syılyǵynyń laýreaty Ádilǵazy Qaıyrbekov. Týyndy «Maz­mundama» baspasynan 2000 dana bolyp shyqty.

Kitap tanystyrylymynda Qazaq­stan Jazýshylar odaǵy basqarma tór­aǵasynyń orynbasary, aqyn, ǵalym Baýyrjan Jaqyp, «Mazmundama» baspasynyń bas dırektory Shyńǵys Muqan, jazýshynyń qyzy Gúlnár Mú­si­repova, M.Áýezov atyndaǵy Áde­bıet jáne óner ınstıtýtynyń bas ǵylymı qyzmetkeri, jazýshy Nur­dáýlet Aqysh, Qazaqstannyń eńbek sińirgen qaıratkeri, ánshi Erkin Shú­ki­man, Abaı atyndaǵy QazUPÝ fılologııa ınstıtýtynyń oqytýshysy, fılologııa ǵylymdarynyń kandıdaty Erlan Qasen, Almaty mýzeıiniń je­tekshisi Baqbergen Taısheev, Qonaev mýzeıiniń jetekshisi Elena Qubasheva, Ǵ.Mú­sirepov atyndaǵy №86 mektep-gımnazııanyń muǵalimi Bo­tagóz Dos­qazıeva, mýzeı kesheniniń je­tekshisi Anar Kósherbaeva oı-pikir­lerimen bólisti. Kesh qonaqtaryna jáne Ǵ.Mú­sirepov atyndaǵy mektep-gım­nazııanyń ozat oqýshylaryna «Ǵabıt Mú­sirepov kim?» kitaby syıǵa tartyldy.

Nazgúl ALTAEVA,

Almatydaǵy S.Muqanov pen

Ǵ.Músirepovtiń ádebı-memorıaldyq

mýzeı kesheniniń bólim meńgerýshisi