Prezıdent Qasym-Jomart Toqaevtyń bastamasymen qolǵa alynyp otyrǵan Ádiletti Qazaqstan jobasynyń halyqqa bereri mol, mańyzy zor. Keıingi jyldarda halyqtyń ál-aýqatyn kóterýge baǵyttalǵan baǵdarlamalar: jaǵdaıy joq otbasylarǵa beriletin qarjy kóleminiń artýy, zeınetkerlerdiń zeınetaqysyn ulǵaıtý, karantın kezeńderinde halyqqa tólengen qarjylaı kómek, az qamtylǵan shańyraq pen kópbalaly otbasylarǵa bir rettik kredıttik amnıstııa, stýdentterdiń shákirtaqysy men ustazdardyń aılyǵyn kóbeıtý sekildi ıgi sharalar atqarylyp keledi. 2024 jyldan bastap 18-ge tolmaǵan ár azamatymyzǵa derbes shot ashylyp, onyń qoryna qarjylaı kómek aýdarý da josparlanyp otyr. Odan basqa da Úkimettiń qaıta jasaqtalýy, halyqtyń múddesin oılaıtyn basshylardyń kelýi, jańashyl depýtattardyń minberge kóterilip, halyqaralyq qarym-qatynastardy oń baǵytta retteý, elde beıbitshilik pen tatýlyqty saqtaý maqsatynda halyqaralyq kezdesýler, kelissózder júrgizý sııaqty Memleket basshysynyń tarapynan júzege asyrylyp jatqan ister az emes. Eldegi ekonomıkalyq jaǵdaıdyń artýy men el bolashaǵy tek basshylyqtyń quzyretindegi másele emes, sonymen qatar barsha halyq bolyp birlese atqaratyn sharýalar men ıgi isterdiń úles salmaǵy mol.
Memleket tarapynan berilip jatqan bilim granttary men basqa da qarjylaı granttar – el bolashaǵyna jasalǵan ınvestısııa, eldiń jarqyn bolashaǵynyń kepili. Osy is-sharalardyń oń jolǵa qoıylýy – Ádiletti Qazaqstan qurýdyń basty qadamynyń biri. Osyndaı ıgi is-sharalarmen qatar, halyqtyń rýhanı damýy men ishki jáne syrtqy mádenıetke nazar aýdarýy, bilimge umtylýy – ortaq múddege jetýdegi alǵysharttardyń biri. El áleýetiniń kóterilip, halyqtyń jaǵdaıynyń artýy bolashaq úshin mańyzdy ról atqarady. Memleketimizdiń kórkeıýine úlesin qosý – sanaly urpaq mindeti. Ádiletti qoǵamnyń parasatty urpaqtyń qataryna qosylýdyń kúni alys emes ekenine shynaıy senemin.
Eńlik QASABEKOVA,
Fılosofııa, saıasattaný jáne dintaný ınstıtýtynyń aǵa ǵylymı qyzmetkeri
