Balalardyń ákesi Baýyrjan Jumaǵazynyń aıtýynsha, sol kúni áıeli balalardy úıge tastap, bazarǵa sút satýǵa ketken eken.
"4-5 lıtr sút satady, lıtri 500 teńgeden. О́zimniń aılyǵym – 100 myń teńge. Bir shetinen shyǵaıyn, tıyndap bolsyn aqsha tabaıyn degen nıeti ǵoı. Balalaryma memleketten aıyna 55 myń teńge áleýmettik kómek alyp keldik", - deıdi Baýyrjan Jumaǵazy.
Dál sol kúni, 25 qazanda kún jyly bolyp, úıge pesh jaǵylmaǵan. Kúlin alyp, ot jaǵýǵa daıyndap qoıǵan eken.
"Kelinshegim sirińkeni balalardan tasa jerge ylǵı tyǵyp qoıady. Sol kúni ǵana peshke ot jaqpaǵanbyz. Eshkim joqta balalar sirińkeni taýyp alyp jaǵyp oınaǵan ǵoı. Bundaı sumdyqtyń bolaryn sezbeppin. Eń bolmasa tús kórsemshi. Jumyssyz qalsam da balalarymnyń qasynan attap shyqpaýshy edim", - deıdi balalardyń ákesi.
Otbasynyń 2 sıyry ǵana bar eken. Balalardyń anasy Araı artylǵan sútti satyp, tıynǵa tıyn quraǵan.
О́zi "Qazyǵul" aýrýhanasynda kólik júrgizýshisi bolyp jumys isteıdi eken. Balalardyń anasy úı sharýasynda. Otbasy áke-sheshesiniń úıinde turǵan. Baspananyń kólemi – 70-80 sharshy metr. Tórt balanyń ekeýi mektepte 1-2 synyptarda oqyǵan.
Mekteptegi muǵalimderi oqýshylardyń kútimi jaqsy bolǵanyn aıtady.
"Ishimiz alaı-dúleı, esimizdi jııa alar emespiz. Biz úshin óte aýyr soqqy boldy. Sol kúni mereke emes, sabaq bolsa oqýshylarymyz aman bolar ma edi dep te oılaımyz. Eki oqýshymyz da muntazdaı, sabaǵy, tártibi jaqsy bolatyn. Sabaqtan qalmaıtyn. Ata-analary da jaýapkershiligi mol adamdar", – deıdi marqum búldirshinderdiń synyp jetekshileri.
Eske salsaq, buǵan deıin Abaı oblysynyń Aıagóz qalasynda úı órtenip, tórt balanyń qaza tapqany týraly jazǵan bolatynbyz. Tórt balanyń ólimine qatysty tergeý bastaldy.
