Foto: kzaif.kz
Bir qala men eki oblystyń turǵyny eki mıllıonnan asty: Almaty qalasy turǵyndarynyń sany 2 030 285 adamǵa jetse, Almaty oblysynda osy kúnde 2 146 576 adam turyp jatyr.
Bes jyl buryn jeke oblys bolyp qaıta qurylǵan Túrkistan oblysynda 2 054 021 turǵyn bar. Slovenııa, Makedonııa syndy elderdiń halqy 2 mıllıonnan endi asyp jatyr. Al bizdiń bir oblys pen eki megapolıstyń turǵyny osy mejege jetti.
2009 jyldan 2021 jylǵa deıingi merzimde Astana qalasyndaǵy turǵyndar sany 613 myńnan 1 234 myńǵa artqan. Úshinshi megapolıs statýsyn alǵan Shymkent qalasynda on jyl buryn 730 myń halyq bolsa, búginde bul shaharda 1 122,4 myń adam turady. Mańǵystaý oblysynyń halqy da sońǵy on jyldyqta kúrt artyp, 485 myń degen sıfr 735 myńǵa jetti.
Ulttyq statıstıka bıýrosynyń zertteýshileri elde ýrbanızasııa kóshi kún sanap ulǵaıyp bara jatqanyn da aıtty. Buryn qala halqynyń úlesi 56,1% bolsa, bir múshel merzim ishinde 5%-ǵa artyp, 61,2%-ǵa jetken. Esesine aýyl turǵyndarynyń sany 43,9%-dan 38,8 paıyzǵa tómendedi.
Aqtóbe, Atyraý, Batys Qazaqstan, Qyzylorda, Mańǵystaý, Túrkistan oblystarynda qala turǵyndarynyń sanynda ósim joǵary. Ýrbanızasııa demekshi, Qaraǵandy oblysyndaǵy turǵynnyń 80 paıyzy ıaǵnı 1 mıllıonnan asa adam aýyldan qala statýsyna ıe kórikti mekende turý úshin kóshiniń basyn shaharǵa burǵan. Bul kúnde kenge baı óńirdegi 1 mıllıonnan astam adam qalalyq sanalady.
Astana, Almaty hám Shymkent syndy úsh qalada keıingi 12 jyl ishinde úsh birdeı jańa aýdan quryldy. Halyq sany 50 myńnan 100 myńǵa deıin jetetin shaǵyn qalalardyń sany buryn 8 bolsa, búginde olardyń qatary 14-ke jetti.
