Kópshiliktiń daýys berýi nátıjesinde 36 jastaǵy argentınalyq sportshy atalǵan júldege qol jetkizdi. Messıden bólek, úzdik úshtikke «Manchester Sıtı» komandasynyń oıynshysy Erlıng Holland pen PSJ klýbynyń shabýylshysy Kıllıan Mbappe endi.
Sondaı-aq madrıdtik «Real» fýtbolshysy Djýd Bellıngem 21 jasqa deıingi úzdik oıynshyǵa tapsyrylatyn «Kopa» júldesine ıe boldy. Al jyldyń eń úzdik qaqpashysy ataǵyn Argentına quramasy sapyndaǵy Emılıano Martınes aldy.
Erlıng Holland bolsa úzdik shabýylshyǵa beriletin «Gerd Mıýller» júldesin ıelendi. Áıelder arasynda «Barselona» oıynshysy Aıtana Bonmantı «Altyn dop» ıegeri boldy.
Oǵan qosa «Barselona» áıelder komandasy arasynda jyldyń úzdik klýby atandy. Erler arasynda atalǵan marapatqa «Manchester Sıtı» ıe boldy.
Lıonel Messı, «Altyn dop» syılyǵynyń ıegeri:
– Segiz birdeı «Altyn dobym» bar jáne men úshin árqaısysynyń orny erekshe. Bıyl komandamyzdyń jetistikteri eskerildi. Iаǵnı aldymen Amerıka kýboginde, artynsha álem chempıonatynda top jardyq. Sondyqtan bul – komandanyń júldesi. Onsyz qol jetkize almas edim. Ulttyq quramadaǵy jigittermen birge barlyq qıyndyqty eńserdik. Endi jemisin kórip jatyrmyz.
