Oblys ortalyǵy Taldyqorǵan qalasynan bastap, barlyq aýdan, aýyl turǵyny senbilikke atsalysty. 30 myńǵa jýyq adam kóshe sypyryp, óziniń súıikti mekenderin qoqystan tazartty. Tipti is-sharaǵa oblys ákimi Beıbit Isabaev qatysyp, Taldyqorǵandaǵy kottedj qalashyǵynyń mańyna aǵash ekti.
Senbilikke eldi mekenderdiń belsendi turǵyndary, ekoaktıvıster, eriktiler, memlekettik, bıýdjettik jáne basqa da uıymdardyń qyzmetkerleri qatysty. Saıabaqtardy, gúlbaqtardy, sý aıdyndaryn, jeke jáne kóp páterli turǵyn úılerdiń mańyndaǵy aýmaqtaryn, kóshelerdi, trotýarlar men aryqtardy turmystyq qaldyqtardan, ósimdik qoqystarynan jáne qurǵaq shópterden tazartty.
О́ńir ákiminiń baspasóz qyzmetiniń málimetine súıensek, aksııaǵa barlyǵy
27 742 adam qatysyp, 312 arnaıy tehnıka jumyldyrylǵan. Sonyń nátıjesinde 1 120 km avtomobıl joly, 400 km aryq jelileri tazartylyp, 2 002 tonna qoqys shyǵarylǵan jáne 6 456 aǵash kósheti, onyń ishinde 5 956 japyraqty, 500 qylqan japyraqty aǵash otyrǵyzǵan. Al óńirdiń bas shaharynda 6 myńnan asa adam shyǵyp, 38 birlik tehnıka tartylǵan. Osy kúni qala aýmaǵynda 200 úıeńki aǵashy egildi.
Senbilik sońynda jýrnalısterge suhbat bergen oblys ákimi Beıbit Isabaev:
– Búgin búkil oblys boıynsha senbilik jarııalandy. Sebebi bıyl kúz uzaqqa sozylyp, mańaıdy tazartý sharalaryn jıi uıymdastyrý qajettigi týyndady. Tabıǵat-Ananyń ózi tazalanyp turǵandy unatady. Búgin oblys boıynsha memlekettik organdardyń, túrli salalardaǵy mekemelerdiń qyzmetkerleri tazalyq is-sharasyna qatysyp jatyr. Biz Taldyqorǵandaǵy kottedj qalashyǵynyń mańyna buǵan deıin aldymen sýarý júıesin júrgizdik, búgin senbilik aıasynda aǵash egip jatyrmyz. Budan keıin kespetas tósep, oryndyqtar qoıyp, abattandyrý jumysyn jalǵastyramyz. Osy kottedj qalashyǵynda bitpeı turǵan úılerdiń qurylysyn kelesi jyly aıaqtap, qoldanysqa beremiz dep josparlap otyrmyz. Jalpy, ár kótemde, jaz ben kúzde týǵan aýylymyz ben qalamyzdy tazartyp otyrýǵa árqaısysymyz da atsalysýymyz kerek, – dedi.
Jetisý oblysy
