Ult ustazyn boıtumar etken

Mektepte eńbek etip kele jatqanyna qyryq jyl bol­ǵan Sábıra Izba­sarqyzy ult us­tazyn boıtumary sanaıdy. Bala kezinen Aqańnyń shy­ǵarmashylyǵyna erekshe súıis­penshilikpen qaraı­dy. Qaı­ratkerligine, ilim men bilim jo­lyn­daǵy izde­nisterine, eńbegine erte kezden qanyqqan muǵalim mynany maqsat etedi: «Qazaq bala­laryna Alash qaıratkeri­­niń izgiligin uqtyra berý ke-rek».

Sol maqsat údesinde úl­ken eńbek jasaıdy. Aqań esimin mektepke berý úshin qa­lalyq, oblystyq forýmdar ótkizýge muryndyq bolady. Jylda túrli konferen­sııa ótkizedi. Munymen qo­sa oqýshylardy Aqańnyń shy­ǵarmashylyǵyna baǵyttalǵan ǵylymı zertteý jumystaryna baýlıdy.

Bıyl Aqań atyndaǵy mek­tepke – 60 jyl. Byltyr 150 jyl­dyq mereıli datasynda atalǵan bilim ordasy ult us­ta­zyn laıyqty ulyqtady. «Ahmet Baıtursynulynyń pedagogıkalyq murasy» atty qazaq tili men ádebıeti páni muǵalimderiniń úlken forýmy ótti. Sol forým aıa­syn­da «Ahmettaný» kabıne­ti­niń tusaýy kesilgen-tin. Ka­bınettiń jetekshisi – S.Izba­sarqyzy. Munda Ahmet Baı­tur­synulynyń kitaptary men eńbekteri bar. Ár partaǵa noýtbýk qoıylǵan. Sondaı-aq kabınette kórsetilgen QR kod arqyly A.Baıtursynulynyń eńbekterimen tanysa alady. Buǵan qosa atatek sheji­resi jazylǵan stend ili­nipti. Bul oqýshylardyń izde­nisimen ázirlengen. Mektep muǵalimderi «Ahmet. Ult ustazy» atty qoıylym da qoı­ǵan bolatyn. Sonyń sse­na­rııin de Sábıra ustaz jaz­ǵan.

– Mektebimizde 2014 jyldan beri «Ahmettaný» kýrsy ótkiziledi. Uly ustazdyń san qyrly shyǵarmalaryn jetik bilý úshin «Ahmettaný» kýrsynyń arnaıy baǵdar­lamasy jasalǵan bolatyn. Mine, kabınet ashylǵaly beri kýrsymyzdy osynda ótkizemiz. Qazirgi kúni ped­a­gogıkalyq baǵytyn zerttedik. Endi ekonomıkalyq jaǵynan zertteýdi bastap jatyrmyz. Bul jóninde de qaıratker tulǵanyń eńbekteri kóp. Bul kabınet – óskeleń urpaqty zertteýshilik, shyǵarmashylyq qabiletin damytyp, qala­mynyń ushtalýyna sep bolsyn degen nıetpen ashyldy. Ár oqýshynyń boıynda Ahmet ǵıbraty bolýy kerek, – deıdi qazaq tili men ádebıeti pániniń muǵalimi S.Izbasarqyzy.

Ol Aqtoǵaı aýdany Qy­zylaraı aýylyndaǵy mektepti támamdap, Almatydaǵy Abaı atyndaǵy pedagogıkalyq ıns­tıtýtqa oqýǵa túsedi. Muhtar Maǵaýın, Serik Qırabaev, Nyǵmet Ǵabdýllın, Serik Ábilqaev, Fatıma Musabekova sekildi úlken ǵalymdardan dáris alady. Mártebeli muǵa­limniń ózi «ádebıetke, ǵy­lymǵa sol kisilerdiń taǵy­lymy jol ashty. Meniń ómi­rim­degi eń úlken jetistigim de – osy», deıdi.

Ekinshi kýrs oqyp júr­gen­de Ǵabıden Mustafın shy­ǵar­m­alaryna ǵylymı zertteý júr­gizip, syılyqqa aqyn Qa­­dyr Myrza Áliniń shaǵyn ki­tabyn alypty. Eskirgen kitapty qolyna ustap, sonaý ınstıtýt qabyrǵasyndaǵy stýdenttik shaǵyn saǵyna eske alady.

Alǵash eńbek jolyn Aq­toǵaıdyń Aqshı aýylyn­daǵy mektepten bastaıdy. «Aýyl mektebi men úshin úlken tájirıbe boldy. Aýyl bala­la­ryna segiz jyl bilim berip, qalaǵa qonys aýdardyq. Buǵan deıin Nyǵmet Nur­ma­qov, Álıhan Bókeıhan atyn­­daǵy mektepterde de sa­baq ber­dim. Qalaǵa kelip te ustazdyq tájirıbemizdi ári qaraı jetildirdik. Eń úlken jetis­tigim – shákirtterim. Belgili qa­lamger Tólen Tileýbaı bas­ta­ǵan bir­neshe jýrnalıstke sa­baq ber­dim. Jylda birneshe oqý­shym joǵary oqý ornyna grantqa túsedi», deıdi ol.

Mártebeli muǵalim 1997 jyly «Bilim berý isiniń úzdigi» tósbelgisimen marapattalsa, jaqynda ǵana Memleket basshysynyń qolynan «Qa­zaq­stannyń eńbek sińirgen Qurmetti ustazy» ataǵyn al­dy. Kóp jylǵy eńbegi elengen S.Izbasarqyzynyń izgilikti izi osyndaı.

Qaraǵandy oblysy