MAQSAT – DOKTRINANY ISKE ASYRÝ

Oral qalasynda Ulttyq birlik doktrınasyn júzege asyrý máse­le­lerin talqylaýǵa arnalǵan “dóń­gelek ústel” májilisi ótkizildi. Oǵan Jaıyq óńirindegi etnomádenı bir­lestikterdiń jetekshileri, mem­lekettik uıym­dardyń bas­shy­lary jáne bu­qaralyq aqparat quraldarynyń ókilderi qatysty. Olar Ulttyq birlik doktrınasyn tolyǵymen maquldap, ony iske asyrý jó­ninde óz oılaryn ortaǵa saldy. Jıynnyń negizgi máni men maqsaty jáne onyń basty túıini týraly Batys Qazaqstan ob­lys­tyq Qazaqstan halqy Assam­bleıa­sy tóraǵasynyń oryn­ba­sary Qýanyshbaı Tólebaev gazet tilshisine bylaısha málimdedi: – О́tken jyly el  jurt­shy­lyǵynyń talqylaýyna usy­nyl­ǵan doktrına jobasy olardyń tara­pynan oń qoldaýǵa ıe boldy. Keıin joba qoǵamdyq pikir bildirgen syn-eskert­pe­ler­men jáne usynys-pikirlermen to­lyqtyryldy. Odan ári óń­deldi. Sodan soń osy sońǵy nus­qany bıylǵy jyly el Prezıdenti Nursultan Nazarbaev óz sheshi­mi­men bekitti. Ári Úkimetke dok­trı­nany iske asyrý joldary jóninde tıisti tapsyrmalar berdi. Osyǵan oraı bıyl Úkimettiń arnaıy qaýlysy boıynsha doktrınany iske asyrýdyń is-sharalary bekitildi. Respýb­lı­ka­daǵy oblystyq assambleıalar ony oıdaǵydaı oryndaýǵa óz úlesterin qosýǵa tıis. “Dóńgelek ústeldiń” basty maqsaty, mine, osy arnaǵa baǵyttaldy. Búgingi kezeńde barsha qazaq­stan­dyqtardy biriktirý men odan ári toptastyrý, olardy bir maqsatqa jumyldyrý isinde qazaq halqyna júktelip otyrǵan jaýapkershilik joǵary. Ulttyq birlik doktrınasynyń negizgi tini osy ustanymnan týyndaıdy. Kim-kimge de qushaǵy aıqara ashyq qazaq halqy bul tarıhı mıssııany abyroımen atqaryp shyǵa alatynyna eshqandaı kúmán joq. “Dóńgelek ústelge” qatysýshylar da osy shyndyqty tolyǵymen qýattady. Temir QUSAIYN,ORAL.