Nannyń bir bólkesi qazir 120 teńge, tipti keıbir dúkenderde 150 teńgeden satylyp jatyr. О́ıtkeni naýbaıhanashylar unnyń qymbattaýynan eski baǵany budan ary ustap tura almaımyz deıdi. Bul týraly KTK arnasyna málimdedi.
Olar qarashanyń 1-nen bastap, ıaǵnı búginnen azyq-túlik dúkenderine nannyń 20 teńgege qymbattaıtyny jaıly habarlamany aldyn ala jibergen. Kásipkerler buǵan un baǵasy kóterilgendikten, amalsyzdan jasalǵan qadam dep túsingen. Al turǵyndarǵa 100 teńgelik nannyń endi 120 teńge turýy kútpegen jaǵdaı bolypty.
Tipti sheneýnikterdiń ózi bundaı ózgeristi bilmeı qalǵan. Aıtýlarynsha, as atasynyń baǵasyn kóterý týraly olarmen eshkim aqyldaspaǵan.Sondyqtan ruqsatsyz áreket etkenderge baǵany burynǵy qalpyna keltirýine týra keldi.
«120 teńge kóleminde satylý baǵasy boıynsha faktisi anyqtaldy. Aıta ketetin jáıt, sýpermarketterde nannyń baǵasy qazirgi tańda 100 teńge kóleminde satylýda. Joǵaryda aıtylǵan fakti boıynsha is shara jospary bekitilip, sol is shara jospary arqyly biz nannyń baǵasyn turaqtandyrý boıynsha jumys atqaratyn bolamyz», - deıdi Jambyl oblysy kásipkerlik jáne ındýstrıaldy-ınnovasııalyq damytý basqarmasynyń bas mamany Eljar Qurmanbek.
