Búgingi jańalyqta Energetıka mınıstriniń gaz baǵasyn 110 teńgege kóterý kerek degen málimdemesi shyqty. Munyń aldynda da suıytylǵan gaz tym arzan degen sekildi áńgimeler qaıta-qaıta qylań beretin. Solar áser etti me, janarmaı quıý beketterinde gaz azaıyp ketti. 2022 jyldyń qańtar aıynyń basynda gaz baǵasy 130 teńgege deıin kóterilgen edi. Sol kezde jurt gazdy satyp alýdan bas tartty. О́ıtkeni mundaı baǵa tıimsiz boldy. Máselen, kólik 100 shaqyrymǵa 10 lıtr benzın jumsaıdy. Al gaz quısań 12-13 lıtr ketedi. Sondyqtan burynǵy baǵaǵa qaıtyp barsa, jurt taǵy da almaı qoıady. Onyń ústine kólikke gazdyń qondyrǵysyn kemi 150 myń teńgeden qoıdyrady. Gaz qymbat bolsa, bul aqshany da júrgizýshiler ótep ala almaıdy. Qazir AI-92 markaly benzın 200 teńgeniń ústinde satylyp jatyr. Gaz odan 3 ese arzan. Sol úshin de jurt suıytylǵan gazben júrgendi qalaıdy», dedi ol.
Osy másele boıynsha megapolıstegi iri munaı óńdeýshi zaýyttyń tıisti mamandarymen tildesip kórgen edik. Baspasóz qyzmetiniń habarlaýynsha, bıyl kóktemde zaýyt aǵymdaǵy jóndeýden ótken. Osy kúzde eshqandaı qosymsha jóndeý jumystary kútilip jatqan joq. Sol sebepti, munaı ónimderiniń barlyq túri josparǵa saı shyǵarylyp jatyr. Kásiporyn tolyq qýattylyqpen jumys istep tur.
Shymkent qalasynyń energetıka basqarmasy bergen resmı málimdemede de qalada suıytylǵan gaz tapshylyǵy joq ekeni kórsetilgen.
«Qorda 774 tonna suıytylǵan gaz bar. Qarasha aıyna – 7520, jeltoqsanǵa 7878 tonna gaz bólingen. Energetıka mınıstrligi qosymsha 504 tonna gaz bólip otyr. 2023 jylǵa Shymkenttiń suıytylǵan gazǵa suranysy 9500 tonnany quraǵan. Ákimshilik polısııasynyń málimetinshe, qalada 49538 kólik gazben júredi. Al gazdyń baǵasy 64 teńge turady. Búgingi tańda munaı óńdeýshi «PetroKazahstanOılProdekts» kompanııasy suıytylǵan gazdy óte baıaý óndirip jatyr. Kelissózder barysynda 4-5 kúnde barlyq belgilengen mólsherdegi suıytylǵan gazdy berýge ýaǵdalasty», delingen hatta.
ShYMKENT
