Saq bolyńyz: Mal urlyǵy «maýsymy» bastaldy

Jýyrda Túrkistan obly­synda mal urlaýdy kásip qyl­ǵan­ eki azamat ustaldy. Keles aýdan­dyq polısııa bóli­mine 6 aýyl turǵyny aryz qaldyrǵan. Olardyń aıtýynsha, belgisiz bireýler olardyń iri qara maldaryn qoldy etken. Joǵalǵan maldaryn turǵyndar óz kúshterimen izdegenimen, nátı­je bolmaǵan soń polısııaǵa shaǵymdanǵan.

Jedel-izdestirý sharala­ry­­nyń nátıjesinde polı­sııa­­ qyzmetkerleri mal urly­ǵyn­ jasaǵandardyń izine shy­ǵyp, eki kúdikti er azamatty­ usta­dy. Olar jumyssyz júr­gen jas­ jigitter bolyp shyq­ty. Aıyp­ta­lýshylar jábir­le­nýshilerge 2,5 mıllıon teńge kóleminde shy­ǵyn keltirgen. Polısııa qyz­metkerleri atalǵan faktini Qyl­mystyq kodekstiń 188-1-ba­by (Mal urlyǵy) boıynsha tir­kedi.

Anyqtalǵandaı, urylar jer­­gilikti turǵyndardyń jaıy­­­­­­lymdarda qaraýsyz qal­ǵan jáne qorada turǵan tórt túli­gin jymqyryp, júk kóli­gi­m­en artyp áketken. Sodan soń urlanǵan maldy arzan baǵa­men satyp, túsken aqshany ózara bólip alǵan. Qazirgi tańda kúdik­tiler qamaýǵa alynyp, olar­ǵa qatysty sotqa deıingi ter­geý amaldary júrgizilip jatyr.

Jalpy, jyl basynan beri elimizde 42 mal joǵalý deregi tirkeldi. Degenmen olardyń jarty­synan kóbinde urlyqtyń oryn almaýyna baılanysty qyl­mystyq ister toqtatylǵan. Bar­lyq fakt boıynsha izdeý ju­mystary júrgizilip, mal joǵa­lýynyń basty sebebi – ıe­le­riniń ony qaraýsyz qaldyrýy ekeni anyqtaldy.

Sondaı oqıǵanyń biri jýyr­da Aqtóbe oblysynda tirkel­di. Qarǵaly aýdanynyń polısııa bólimine 76 jastaǵy aýyl turǵyny shaǵymdanyp, 130 bas jylqysynyń joǵal­ǵany týraly aryz bergen. Zalal­dyń jalpy somasy – 65 mln teńge. Jábirlenýshiniń aryzy tirkelip, Qylmystyq ko­dek­­s­­tiń 188-babynyń 4-bóligi (Ur­lyq) boıynsha­ qyl­mys­tyq is qozǵaldy. Joǵalǵan jyl­qylardy izdeý úshin polısııa qyzmetkerleri jedel shara­lar qabyldady. Aýa raıy­nyń qolaısyzdyǵyna qara­mas­tan, tártip saqshylary Qar­ǵaly aýdanynda ǵana emes, oblystyń kórshi aýdanda­ryn­da da izdestirý sharala­ryn júzege asyrdy. Úsh kún­nen keıin joǵalǵan mal sharýa­shy­lyqtan 60 shaqyrym jerden tabylyp, urlyqtyń oryn almaǵany anyqtaldy. Osy­ǵan baılanysty tergeý toqtatyldy. Degenmen mun­daı­ jaǵdaılar, birinshiden, tár­tip saqshylarynyń qymbat ýa­qytyn alatyndyqtan, ekin­shi­den, oǵan qanshama shyǵyn kete­tin­dikten, polısııa qyz­­met­kerleri halyqqa óz malda­ry­na muqııat qaraý kerektigin es­kertti.