Úsh aýdannan toǵyz úmitker shyqty. Oblystyq aýmaqtyq saılaý komıssııasy tóraǵasy Nurlybek Júsipovtiń habarlaýynsha, jergilikti ýaqytpen 18.00-de úsh aýdanda tirkelgen saılaýshylardyń 65 paıyzy 79 saılaý ýchaskesinde daýys berip úlgergen. «Saılaý ýchaskelerinde eshqandaı da zań buzýshylyq tirkelgen joq. Bári zań aıasynda ótti, jurtshylyq ózderi tańdaǵan úmitkerge daýys berdi», deıdi N.Júsipov.
Aýdan ákimi bolýǵa talpynǵan toǵyz úmitkerdiń úsheýi saıası partııalardan, al altaýy ózin-ózi usynǵan. Úmitkerlerdiń jasy 38-de bolsa, eń úlkeni 61 jasta.
Qobda aýdanynda ótken saılaýda Baǵdat Amantaev – 1 599, Baýyrjan Musaev – 891, al Izgilik Tynymgereev saılaýshylardyń 4 672 daýysyna ıe boldy. Aýdanda 38 turǵyn bıýlletenniń «Barlyǵyna qarsymyn» degen bóligin belgilegen. Al Oıylda saılaýshylardyń 943-i Arslanbek Aldııarǵa óz daýysyn bergen. Asqar Qazybaevqa – 3 742, Aıbek Sultanovqa 2 154 daýys berildi. «Barlyǵyna qarsy» belgisi bar bıýlletender sany – 140.
Sondaı-aq Yrǵyz aýdanynda Núrken Jubanazarov – 1 091, Nurlan Qyzbergenov – 3 819, Albek Taýbatyrov 1397 daýysqa ıe boldy. Barlyǵyna qarsy bolǵandar – 62 adam.
Saılaý qorytyndysy boıynsha, Izgilik Tynymgereev – Qobda, Asqar Qazybaev – Oıyl, Nurlan Qyzbergenov Yrǵyz aýdanynyń ákimderi bolyp saılandy. Sońǵy eki úmitker buǵan deıin de sol aýdandarda ákim qyzmetin atqaryp kelgen.
Aqtóbe oblysy
