Foto: Ashyq derekkóz
Buǵan deıin Astanada Túrki memleketteriniń 10-sammıti barysynda Qazaqstan Respýblıkasynyń Prezıdenti Qasym-Jomart Toqaev tarıhy men mádenıeti ortaq, tili men dili ortaq túrki elderiniń birligin dáripteýdiń mańyzy óte zor ekenin atap ótken bolatyn. ATNA qurý týraly deklarasııaǵa 6 qarashada Anadolu Ajansı uıymdastyrǵan «BAQ-taǵy Birlik jáne bolashaqqa degen kózqaras» atty túrki memleketteriniń aqparattyq agenttikteriniń medıa-sammıti aıasynda qol qoıylyp otyr.
«Aıta ketý kerek, túrki elderi arasynda BAQ salasyndaǵy baılanys jyl saıyn nyǵaıyp keledi. Telearnalar arasynda yntymaqtastyq ornap, ózara kontent almasý bastaldy. Atap aıtqanda, birlesken telejobalar men serıaldardyń jaryq kórýi osynyń aıǵaǵy. Aqparat agenttikter arasynda baılanys tapshylyǵy joq. Degenmen qazir jańa medıa dáýiri. Demek, biz ınternet-jýrnalıstıka salasyndaǵy yntymaqtastyqty árqashan jańa deńgeıge kóterýimiz kerek», dedi «Qazcontent» AQ basqarma tóraǵasy Bekzat Júsip.
Sondaı-aq ol túrki elderi arasyndaǵy qarym-qatynasty nyǵaıtý jáne jalǵan aqparatqa qarsy kúres jóninde birqatar usynystar engizdi.
Búgingi kúni «Qazcontent» AQ túrki memleketteri arasyndaǵy aqparattyq baılanystardy nyǵaıtý jáne olardyń mádenı-tarıhı muralaryn nasıhattaý boıynsha jumys júrgizip keledi. Túrki memleketteriniń aqparat agenttikteriniń Medıa-sammıti osy baılanystardy nyǵaıtýǵa yqpal ete otyryp, túrki elderiniń BAQ arasynda dıalog pen tájirıbe almasý úshin aıryqsha alań usyndy.
«Bizdiń maqsatymyz - túrki aqparat agenttikteriniń ortaq tili, jumysy men kózqarasyn biriktiretin jetekshi qaýymdastyq qurý», dedi «Anadolu Ajansı» basqarma tóraǵasy Serdar Qaraǵez.
