Atyraý oblysynda jyl basynan beri 50 myńnan asa adam skrınıgtik tekserýden ótip úlgergen. Oblystyq kardıologııa ortalyǵynyń dárigeri, kardıolog Aıdana Izmuhanovanyń aıtýynsha, skrınıngtik tekserýge 30-70 jas aralyǵyndaǵy turǵyndar júgingen. Tekserýden ótkenderdiń arasynda 2 300-ge jýyq adam júrek aýrýymen tirkelgen.
«Keıingi jyldary álemniń kóptegen eliniń densaýlyq salasynda júrek-qan tamyry aýrýlary basty máseleniń birine aınaldy. Bul aýrý eresek adamdardy múgedektikke shaldyqtyrady. Der kezinde emdelmese, ólimge ákelip soqtyrady. О́lim-jitimniń 50 paıyzǵa jýyǵy júrek-qan tamyry aýrýlarynan bolatyny anyqtaldy. О́ıtkeni Dúnıejúzilik densaýlyq saqtaý uıymynyń zertteýine súıensek, júrek-qan tamyrlary aýrýlarynyń órshýi tamaqtaný rasıonynyń ózgerýimen tikeleı baılanysty bolyp otyr», dep túsindirdi A.Izmuhanova.
Onyń aıtýyna qaraǵanda, júrek-qan tamyrlary aýrýy ózdiginen týyndamaıdy. Bul dertke shaldyqtyratyn birneshe faktor bar.
«Birinshiden, qorshaǵan ortadaǵy jaǵymsyz faktorlardyń 80 paıyzdan astamy adam aǵzasyna tutynǵan tamaǵy arqyly keri áser etedi. Ekinshiden, artyq salmaq pen semizdik te júrek-qan tamyrlary, qant dıabeti jáne basqa da kúrdeli sanattaǵy aýrýlardyń qaýipti faktoryna aınalǵan. Sol sebepten turǵyndar júrek-qan tamyrlary aýrýyna shaldyqpaýy úshin tamaqtaný mádenıetin saqtaǵany jón. Úshinshi faktor – temeki tartý. Shylymqorlyq adam ómiriniń uzaqtyǵyn 7-10 jylǵa deıin qysqarýyna áser etedi. Temeki tartpaıtyn adamdarǵa qaraǵanda, shylymqorlar arasynda mıokard ınfarktisine shaldyǵý deregi eki ese kóp. Al osy aýrýdan qaıtys bolatyndar kórsetkishi 4 esege artyq», dep málimdedi A.Izmuhanova.
Atyraý oblysy
