Aımaqtar • 09 Qarasha, 2023

Qapııada qyrshyn ketti

1612 ret

kórsetildi

1 mın

oqý úshin

Qarashanyń 5-inde keshki 20 saǵat 20 mınýtta «Qazaqmys» korporasııasy» JShS-na qarasty Shyǵys Jezqazǵan kenishi №57 shahtasynyń dıspetcheri basshylyqqa tóbeniń opyrylyp túsýi saldarynan óndiristik apat bolǵany jóninde habarlaıdy. Apat bolǵan jerden ýchaske sheberi Erlan Bımaǵanbettiń denesi tabylady. Oqıǵa ornyna jetken dárigerler júrek-ókpe reanımasııasyn jasap kórgenimen, esh nátıje bermedi.

Abdolla DASTAN

Ken óndirisindegi eńbek ótiline 17 jyl tolǵan Erlan kenishtegi maqtaýly kenshilerdiń biri bolǵan eken. Ol III dárejeli «Kenshi dańqy» tósbelgisimen marapattalypty. Sońynda ańyrap jary men eki qyzy qaldy.

Erlan bul áýlette kenishtegi óndiristen ómiri úzilgen alǵashqy azamat emes. Osydan on jyl Erlannyń týǵan inisi de «Qazaqmystyń» Annensk shahtasynda oryn alǵan apat kezinde qaza tapqan kórinedi.

Korporasııa basshylyǵy Erlan Bımaǵanbettiń otbasyna, týǵan-týysqandaryna kóńil aıtyp, moraldyq-materıaldyq kómek kórsetiletinin aıtyp ta jatyr. Durys ta shyǵar. Biraq qyrshynynan qıylǵan ómirdi endi kim qaıtaryp bere alady? Ol bıylǵy naýryzdyń 16-synda ǵana qyryqtyń qyrqasyna kóterilip edi...

Ulytaý oblysy