Shaǵyn jáne orta bıznesti damytý qajettigi

Palata tóraǵasy Máýlen Áshim­baev atap ótkendeı, Joldaý­da belgilengen ekonomıkalyq damýdyń jańa paradıgmasyna sáıkes shaǵyn jáne orta bıznes ulttyq ekonomıkany damytýdyń draıveri bolýǵa tıis. Sondaı-aq Senat spıkeri bul baǵytta iske asyrylyp jatqan jumystardyń tıimdiligin taldaý jáne bıznesti qoldaý sharalaryn qaıta retteý mańyzdy ekenin aıtty.

«Bizdiń aldymyzda turǵan maqsat – shaǵyn jáne orta bız­nestiń jalpy ishki ónimdegi úlesin Ekonomıkalyq yntymaqtastyq jáne damý uıymy elderiniń deń­geıine, ıaǵnı 40-50 paıyzǵa deıin jetkizý. Bul máseleni sheshý úshin shaǵyn jáne orta bıznestiń ónim­diligin aıtarlyqtaı arttyrý qajet. Ázirge óńdeý sektoryndaǵy kásiporyndar sany tıisti deńgeıde ósip otyrǵan joq. Tıimdi jumys istep turǵan kásiporyndardy irilenýge jáne aýqymyn keńeıtýge yntalandyrý kerek», dedi M.Áshimbaev.

Sonymen qatar is-sharada shaǵyn jáne orta bıznestiń óńirlik dısproporsııa problemasyna jáne kásipkerlik qyzmettiń iri aımaqtar – Astana, Almaty qalalary men Túrkistan jáne Almaty oblystarynda kóp shoǵyrlanýyna basa mán berildi. Osyǵan baılanysty M.Áshimbaev jergilikti bıznesti yntalandyrý úshin óńirlerdi damytý ereksheligin eskerýdiń jáne óńirlik baǵdarlamalardy jetildirýdiń mańyzdylyǵyn atap ótti.

Senat tóraǵasy kásipkerlerge salyq salý tásilin jáne bıznes­tiń bólinýine sebep bolatyn fıs­kald­yq saıasatty qaıta qaraý­dy da usyndy. «Atameken» ult­tyq kásipkerler palatasy tóral­qasynyń tóraǵasy Raıymbek Batalov salyqtyq júkteme bo­ıynsha shaǵyn bıznes formatynan orta bıznes formatyna kóshýdi qoldap, birqatar usynys jasady. Atap aıtqanda, ol mem­lekettik kirister organdary sıfrlyq she­shim­der men servıstik tásil­di qol­danýdy eskere otyryp, salyq­tyq ákimshilendirýdi reformalaý máselesine nazar aýdardy. Sondaı-aq R.Batalov bank­ter tarapynan bıznesti nesıeleý rásimine ózgerister engizýdi usyndy.

Úkimet saǵatynyń qorytyn­dysy boıynsha talqylaýda aı­tylǵan barlyq másele nazarǵa aly­nyp, tıisti usynymdar ázir­lendi. Olardyń qatarynda arna­ıy salyq rejimderiniń sa­nyn qys­qartý, ózin-ózi jumys­pen qam­tyǵandar men jeke kásip­ker­ler úshin zeınetaqy aýdarym­dary men áleýmettik tólem­derdi qosa otyryp, aınalym­nyń 3 pa­ıyz­dyq mólsherinde biryńǵaı tólem belgileý sııaqty máseleler bar. Odan bólek, depýtattar ká­sip­­kerlerge nesıe berý sharttaryn jeńildetý sharalaryn da usyndy. Naqty aıtqanda, kepilsiz kredıtteýdi ne qala shegindegi kepil múlkiniń talaptaryn alyp tastaýdy jáne aýyldyq jerlerdegi kásipkerler úshin onyń baǵalaý qunyn aıqyndaý kezinde tómendetý koeffısıentin qoldanýdy alyp tastaýdy qarastyrý usynyldy.

Is-shara barysynda Ulttyq ekonomıka mınıstri Álibek Qýantyrov, óńirlerdiń, isker áıelder qaýymdastyǵy keńesiniń basshylyǵy men ókilderi jáne taǵy basqalar baıandama jasady.