Astana qalasynyń Polısııa departamenti elordadaǵy meıramhanalardyń birinde Qylmystyq Kodekstiń 99 (kisi óltirý) babymen áıeldi óltirý faktisi boıynsha tergeýdi jalǵastyrýda.
Polısııa taratqan derekke qaraǵanda, osy qylmysty jasady degen kúdikti qamaýǵa alynǵan.
Qazirgi ýaqytta, tergeý organdary, oqıǵanyń barlyq mán-jaılaryn jáne naqty adamdardyń kinásin anyqtaýǵa baǵyttalǵan qajetti is-sharalardyń barlyq keshenin oryndap jatyr.
"Tergeý barysynda Qazaqstan Respýblıkasy Qylmystyq kodeksiniń 432 (qylmysty jasyrý) baby boıynsha qylmystyq is jeke tirkeldi, onyń sheńberinde "Gastro-ortalyq" dırektory kúdikti dep tanylyp, ýaqytsha ustaý ızolıatoryna qamaldy.
Sondaı-aq, Qazaqstan Respýblıkasy Qylmystyq Kodeksiniń 434-baby (Qylmys týraly habarlamaý) 119-baby 3-bóligi (qaýip-qaterde qaldyrý) boıynsha qylmystyq ister tirkeldi", - delingen habarlamada.
Tergeýdi Astana qalasynyń Polısııa departamenti tergeý basqarmasy júrgizedi jáne Qazaqstan Respýblıkasy Ishki ister mınıstrligi basshylyǵynyń baqylaýynda bolady.
Esterińizge sala keteıik, kórineý jalǵan aqparat taratqany úshin qylmystyq jaýapkershilik qarastyrylǵan.
