«Qazaqstan dıplomattary otandastarymyzǵa barlyq qajetti konsýldyq-quqyqtyq jáne psıhologııalyq kómek kórsetti. Shekaradaǵy rásimderden keıin bizdiń azamattarymyz kolonna quramynda jolǵa shyqty jáne jaqyn arada Kaır qalasyna jetedi.
Aıta ketetin jaıt, Qazaqstan azamattaryn Gaza sektorynan evakýasııalaý kezeń-kezeńmen júrgizilip jatyr. Osy oraıda bizdiń dıplomattar Izraıl, Mysyr, Palestına ulttyq ákimshiliginiń quzyretti organdarymen jáne basqa da halyqaralyq uıymdarmen qalǵan otandastarymyzdy evakýasııalaý boıynsha jumysty jalǵastyrady», delingen mınıstrlik habarlamasynda.
Aıta keteıik, barlyq azamattarymyz Gaza sektorynan Kaırge jetkizilgennen keıin QR Úkimeti olardy elge jetkizý úshin evakýasııalyq bort joldaıdy.
