Kezdesýde IIM basshysy Jetisý oblysynyń polısııa basshylaryna qatysty qabyldanǵan sheshimdi jarııa etti.
Otyrysqa oblys ákimi Beıbit Isabaev ta qatysty.
«El azamattarynyń konstıtýsııalyq quqyqtaryn qorǵaıtyn polısııa qyzmetkeri úshin zań men tártip birinshi orynda bolýy kerek. Quqyqqa qaıshy kelgen azamattar men polıseılerdiń zańsyz áreketine tosqaýyl qoıylýy tıis. Zań bárine ortaq», dep atap ótti mınıstr Erjan Sadenov.
Sondaı-aq kezdesýde IIM basshysy Jetisý oblysynyń polısııa basshylaryna qatysty qabyldanǵan sheshimdi aıtty.
Osylaısha, oblystyq polısııa departamentiniń bastyǵy Atyǵaı Arystanov qyzmetinen bosatyldy. Onyń birinshi orynbasary Jasulan Baıkenovke qyzmettik sáıkestiktiń tolyq emestigi týraly eskertildi. Oblystyq departament bastyǵynyń kadr saıasaty jónindegi orynbasary Talant Jumabek pen tergeý boıynsha orynbasary Maqsat Erejepov te óz qyzmetterinen bosatyldy.
