Qoǵam • 16 Qarasha, 2023

«Tórtinshi balamyz». 20 mıllıonynshy turǵynnyń biri Taldyqorǵan qalasynda ómirge keldi

871 ret

kórsetildi

1 mın

oqý úshin

Qazaqstan halqynyń sany 20 mıllıonǵa jetti. Ulttyq statıstıka bıýrosy taratqan málimet boıynsha 14 qarasha kúni tańǵy saǵat 08:10-da ómir esigin ashqan bes sábı halyq sanyn 20 mıllıonǵa jetkizdi. Sol nesibeli bes sábıdiń biri Taldyqorǵan qalasynda ómirge keldi, dep habarlaıdy Egemen.kz.

Qýanysh NURDANBEKULY

«Tórtinshi balamyz». 20 mıllıonynshy turǵynnyń biri Taldyqorǵan qalasynda ómirge keldi

Foto: Ashyq derekkóz

34 jastaǵy Muhtar Ázimbaev pen 1996 jyly týǵan Dıana Talǵatqyzynyń shańyraǵynda ómirge kelgen tórtinshi sábı Qazaqstannyń 20 mıllıonynshy turǵyny bolyp tirkeldi. Áskerı sala qyzmetkeri Muhtar aqjoltaı aqparatty perzenthanada jatqan jarynan estipti. «Búgin oblys ákimi Beıbit Isabaev ózi quttyqtady. Mundaı qurmetke kenelemiz dep oılaǵamyz joq», deıdi Muhtar Sábdenbaıuly.

Muhtar men Dıananyń tuńǵyshy qyz bala, Taldyqorǵan qalasyndaǵy Abaı atyndaǵy mekteptiń 2-synyp oqýshysy. Odan keıin eki ul bolǵan. О́mir esigin ashqan tórtinshi sábı Aısultannyń boıy 50 santımetr, salmaǵy 3 keli.

Qazaqstan halqynyń sany 2017 jyldyń 11 mamyrynda 18 mıllıonǵa jetti. Almaty oblysy Taldyqorǵan qalasynda ómir esigin ashqan Mýslıma Samatqyzy 18 mıllıonynshy adam bolyp tirkeldi. Taldyqorǵan qalasynyń taǵy bir turǵyny Aısultan Muhtaruly da Qazaqstannyń 20 mıllıonynshy adamy atanady endi.