Foto: Vıdeoskrın
Depýtattyń aıtýynsha parasportshylar Azıa oıyndarynda 8 altyn, 12 kúmis 21 qola alyp, 11-orynǵa turaqtaǵanymen, parasportshylar áli kúnge deıin dıskrımınasııaǵa ushyrap otyr.
«Sońǵy 4 jylda múgedektigi bar jandarǵa 8-aq mlrd, al múgedektigi joq jandarǵa 300 mlrd-tan astam teńge bólingen. Áleýmettik ǵımarattar barlyq adamdarǵa jaqsy jasalǵan, 40 paıyz dep ulttyq baǵdarlamada aıtady. Biraq atalǵan sıfr sáıkes kelmeıdi. О́ıtkeni, Atyraýdaǵy sport kesheniniń tapsyrylmaǵanyna 3 jyl boldy, 30 paıyzy ǵana jasalǵan», dedi depýtat.
«Odan da zoryn aıtsam – IV Para Azııadaǵy sportqa bólingen aqsha kelmegen, arbada otyryp tennıs oınaıtyndar ózderine arbalaryn jalǵa alǵan. Parahokkeı sportyndaǵy azamattardyń da áli kúnge deıin máseleleri sheshilmegen», dep qosty S.Kenjeǵul.
Seıitjan Kenjeǵul ózi de paravelosporttan kásibı sportshy. Onyń aıtýynsha týrıstik velosıped satyp alyp, ózderiniń qarjysyna baryp, qazaqtyń baıraǵyn kóterýge atsalysqan.
«Bul – úlken dıskrımınasııa dep esepteımin. Depýtattyq mártebemdi paıdalanyp ártúrli sport azamattaryna aıtqannyń ózińde de áli kúnge deıin máseleler sheshilmedi», dedi depýtat.
Depýtat atalǵan máselelerdi aıta kele, naqty suraqtaryn alǵa tartty.
«Atyraýdaǵy sport kesheni máselesi sheshilsin jáne jastarǵa arnalǵan sport kesheni durystalsyn deımiz. Odan keıingi eń úlken máselemiz, ýaqyt keldi, parasportshylardyń bólek komıteti bolýyn suraımyz», dep túıindedi Qazaqstan Halyq partııasynyń fraksııasynyń múshesi Seıitjan Kenjeǵul.
