Álkeı Marǵulannyń eskertkish-músini ashyldy

Músinniń ashylýyna arnal­ǵan saltanatty is-sharaǵa Á.H.Mar­ǵulan atyndaǵy halyqaralyq qor­dyń tóraıymy, medısına ǵy­lym­darynyń kandıdaty, aka­demıktiń qyzy Danel Marǵulan, oblys ákimdiginiń ókilderi, shyǵarmashyl zııaly qaýym men qoǵam qaıratkerleri qatysty.

MARGULAN ýnıversıtetiniń rektory Janbol Jylbaev qut­tyqtaý sózinde Álkeı Marǵulan eskert­kishiniń ashylýy kemeń­ger ǵalymǵa kórsetilgen qur­met ekenin atap ótti. Bul akade­mıktiń týǵanyna 120 jyl tolýyn toılaýdyń bastalýy. Me­reıtoıǵa arnalǵan aýqymdy is-sharalar ýnıversıtette 2024 jyl boıy ótkiziledi. Qazaq arheo­logııa mektebiniń negizin qalaý­shynyń mereıtoıyna oraı úlken halyqaralyq konferensııa ótedi.

– Biz Almatydaǵy Á.H.Mar­ǵulan atyndaǵy Arheologııa ıns­tıtýtymen birlesip daıyndyq jumystaryn júrgizip jatyrmyz. Qazaqstan ǵylymynyń damýyna orasan zor úles qosqan akademık Álkeı Marǵulannyń mereıtoıyn uıymdastyryp, ótkizý biz úshin úlken mártebe jáne jaýapkershilik. Bul bizdiń ýnıversıtet úshin ǵana emes, bú­kil Pavlodar, Ertis óńiri úshin mańyzdy oqıǵa, – dedi Janbol Jylbaev.

Aıta ketý kerek, tarıhı tý­yn­dynyń avtory Qazaqstan kór­kemóner akademııasynyń aka­de­mıgi, sýretshiler odaǵynyń mú­shesi Murat Mansurov. Músin qoladan quıylǵan, bıiktigi – 3,5 metr.

Qoladan quıylǵan alyp mú­sinniń túr sıpaty jáne avtor­dyń sheberligi akademıktiń urpaqtary men týystarynyń da kóńilinen shyqty. Máselen, akademıktiń urpaǵy Danel Álkeıqyzy óz sózinde ákesiniń eskertkishin kór­gen sátte erekshe áser alǵanyn aıtyp, ǵalymǵa kórsetilgen aıryq­sha qurmet pen taǵzym úshin ýnıversıtet ujymyna rızashylyǵyn bildirdi.

– Búgin men erekshe qýanyshty sezimdemin. О́ıtkeni ákemniń tý­ǵan jeri Ertis-Baıan óńirinde jáne óziniń esimimen atalatyn ýnı­ver­sıtettiń janyna músini boı kóterdi. Osy rette ýnıversı­tet basshylyǵyna, ardagerler ke­ńesine jáne músinniń avtoryna shynaıy alǵysymdy bildiremin. Marǵulan ýnıversıteti jas urpaqqa sapaly bilim, sanaly tárbıe berý jolynda úlken is atqaryp keledi. Endeshe, ádiletti Qazaqstandy qalyptastyrý jo­lyndaǵy ıgilikti eńbekterińizge sáttilik tileımin, – dedi Danel Marǵulan.

Al oblystyq bilim berý bas­qar­masynyń basshysy Samal Aıtqazına akademıktiń tarıh, ar­heologııa jáne pedagogıka sala­syndaǵy eńbegine toqtaldy.

– Búgin ádebıet, óner jáne shy­ǵystanýshy, ulttyq arheologııa mektebiniń negizin qalaýshy, jerlesimiz, akademık Álkeı Ha­qanuly Marǵulanǵa ornatylǵan músinniń ashylý saltanatynyń kýágeri bolyp otyrmyz. Bul aı­maǵymyz úshin tarıhı sát, este qalar erekshe oqıǵa. Álkeı Mar­ǵulan Qazaqstandaǵy etnograf, arheolog, tarıhshylardyń bir­­neshe býynyn daıarlady. Ǵalym­nyń jetekshiligimen 50-den asa doktorlyq jáne kandıdattyq dıs­sertasııa qorǵaldy. Eńbek­te­ri birqatar shet tiline aýda­ryldy. Endeshe ǵylymı mura­syn jalǵastyrý búgingi urpaq­tyń mindeti. Sońyna óshpes mura qaldyrǵan Álkeı Marǵulan­nyń ónegeli ómiri óskeleń urpaqqa árqashan jol kórsetip, jar­qyn bolashaqqa bastaı beretini­ne kámil senemiz, – dedi Samal Ospanqyzy.

Is-shara barysynda ýnıver­sıtettiń jas aqyndary – Beksul­tan Qaıdarov, Esengeldi Jánibek, Nuraına Serik Álkeı Mar­ǵulanǵa arnaý óleńderin oqyp, jı­nalǵan jurttyń qurmetine jyrdan shashý shashty.