О́ner ıesiniń ol áreketiniń beınejazbasy jelide tarap ketip, qyzý talqylandy. Bul "dástúrdiń" kópshilikke unamaı qalǵanyn ánshiniń ózi de jetkizdi. Tipti oǵan aqtaýlyq dostary da renjigen.
«Farıza ekeýmizdiń kórpege aýnaǵan vıdeosy áleýmettik jelige taralyp ketti. Qanshama pikir jazylyp jatyr. Aqtaýlyq dostarym «bizde mundaı salt joq, qaıdan shyǵaryp júrsiń» dep renjidi. О́z basym osyndaı dástúr baryn biletinmin, batys óńirinde joq bolǵasyn mán berip, zerttemegen edim. Ońtústik óńirde bar eken. Qazaqtyń ejelgi dástúrinde de bolǵan. Keıin ýaqyt óte kele qoldanystan shyǵyp qalǵan», – dedi ol «Juldyzdy Weekend» baǵdarlamasynda.
Shymkentten kelin alǵan óner ıesi ońtústik óńirdiń saltynan attap kete almaǵanyn da atap ótti.
«Maǵan eshkim ondaı salt-dástúrdiń baryn jáne ol sol jerde jasalý keregin eskertken joq. Vıdeoda da yńǵaısyzdanyp qalǵanym kórinip tur. Biraq kelinimniń 85-ke kelgen ájesi otyr, jasy men joly úlken qudaǵaılarym otyr, solardyń aldynda shalqaımaıyn dedim. Biraq eshqandaı uıat bolatyndaı áreket jasamadym. Ersi qylyq, artyq qımyl bolǵan emes. Tek qazaqtyń eski-salt dástúri dep qabyldańyzdar degim keledi. Artyq ketken bolsam, keshirim suraımyn», — dedi ánshi.
