kaztag.kz
Zań jobasy Memleket basshysynyń tapsyrmalaryn júzege asyrý maqsatymen ázirlenip otyr.
«Otbasy banki» azamattardy esepke qoıý, turǵyn úıdi bólý jáne berý fýnksııalaryn ortalyqtandyrylǵan túrde júzege asyratyn ulttyq damý ınstıtýtyna aınalady. «Otbasy banki» ekinshi deńgeıli bankter júıesi men depozıtterge kepildik berý júıesinen shyǵarylady. Degenmen birqatar másele boıynsha baqylaý men qadaǵalaý ýákiletti organdarda qalady, al onda ornalastyrylǵan depozıtterdiń saqtalýyna memleket kepildik beredi. «Otbasy banki» bazasynda Turǵyn úımen qamtamasyz etý ortalyǵy qurylady. Oǵan jekelegen sanattardaǵy músheligine qaramastan turǵyn úıge muqtaj barlyq azamat tirkele alady. Bul «bir tereze» qaǵıdatyn qoldanýǵa múmkindik beredi. Sonymen qatar kezekke jańadan turǵan azamattardyń baspanasyz bolý merzimin 10 jylǵa deıin ulǵaıtý usynylyp otyr. Budan bólek turǵyn úıge qatysty basymdyqtardyń tizimi keńeıtiledi. Oǵan múmkindigi shekteýli balalary bar otbasylar, 1 jáne 2 toptaǵy múgedekter de kiretini» qamtylǵan aqparatta.
Elimizde endi memlekettik nemese qoǵamdyq mindetterdi atqarý kezinde qaıtys bolǵan adamdardyń otbasylaryna tıisti ákimdikter bir jyldan keshiktirilmeı turǵyn úımen qamtamasyz etýge mindetti bolady. Zańǵa engizilgen basqa da túzetýler talqylandy.
