Jambyl oblystyq polısııa departamentine bıylǵy jyldyń mamyr aıynda qyzdyń ata-anasy aryzdanǵan. Olar 55 jastaǵy er adamnyń onyń kámeletke tolmaǵan qyzymen jynystyq qatynasqa túskeni týraly aqparat bergen. Jábirlenýshiniń ata-anasynyń sózinshe, bastapqyda 55 jastaǵy er adam qyzyna telefon syılap, aram oıyn júzege asyrǵan. Qyz júktiligin bilgen soń, bar shyndyqty anasyna aıtýǵa oqtalǵanda er adam joǵary laýazymdy qyzmette tanystary baryn alǵa tartyp, qaýip tóndirgen.
Búgingi tańda Jambyl oblystyq polısııa departamenti oqıǵaǵa qatysty qylmystyq is qozǵaǵan.
«Atalǵan fakti boıynsha QR QK 120-bóliminiń 4-baby boıynsha qylmystyq is tirkeldi. Aıyptalýshynyń zorlaý jasaǵany dáleldendi, oǵan qatysty qamaýda ustaý túrindegi bultartpaý sharasy tańdaldy. Qarasha aıynda qylmystyq is sotqa joldandy. Mektep basshylyǵyna qatysty QR QK 434-baby, qylmys týraly habarlamaǵany úshin qylmystyq is tirkeldi. QR QIJK 201-babyna sáıkes, ózge aqparat jarııa etýge jatpaıdy. Qazir tergeý amaldary júrgizilip jatyr. Sondyqtan ol aıaqtalǵansha eshteńe aıta almaımyn. Kúdikti «Aıgólek» memlekettik balabaqshasynda kúzetshi bolyp jumys istegen», delingen departament taratqan habarlamada.
