Álıhan Smaıylov bul suraq buryn Ekonomıkany jańǵyrtý máseleleri jónindegi memlekettik komıssııada talqylanyp, qoldaý tapqanyn aıtty. Ol qordan qarjy paıdalaný qaıtarý shartymen júretinin málimdedi.
«Qazirgi ýaqytta biz Ulttyq bankpen birlesip, qarajat tartý sharttary boıynsha máselelerdi pysyqtap jatyrmyz. Úkimettiń boryshtyq mindettemelerin oryndaý aıasynda qarjy qaıtarylatyn bolady», dedi Premer-mınıstr.
Úkimet basshysy BJZQ-nyń negizgi mindeti – qazaqstandyqtardyń zeınetaqy aktıvteriniń saqtalýyn jáne arttyra túsýin qamtamasyz etý dep, qarjyny eseleý úshin tıisti ınvestısııalyq strategııa qabyldanǵanyn jetkizdi.
«Salymshylardyń aktıvterin kiris ákeletin qandaı da bir quraldarǵa qarajat salý arqyly kóbeıtýge bolady. Bul rette prosesti naryqtyq mólsherlemeler boıynsha jáne qaıtarymdy negizde oryndaýǵa múmkindik bar. Qazirgi ýaqytta Úkimet qarjylandyrýdy qajet etetin ındýstrııalandyrý, kólik, ınfraqurylym salalaryndaǵy iri jobalardy qarastyrýda. Biz ártúrli kózderdi, sonyń ishinde BJZQ qarajatyn da qarastyryp otyrmyz», dedi Álıhan Smaıylov.
Aıta keteıik, búgingi tańda BJZQ -da qazaqstandyqtar jınaqtaǵan - 1,5 trln teńge bar.
