Redaksııa ujymy aýyldy aralap júrip, ákimniń qasyndaǵylarmen birge ǵımarattan shyǵyp, temeki tutatqanyn baıqaıdy. Memlekettik qyzmetker telefonmen sóılesip, ákimdikke qarama-qarsy aýmaqty sholyp shyǵyp, sol mańdaǵy balalar alańyna túkirip ketedi.
Tilshiler Selınograd aýdandyq ishki ister bólimine beıne dálelmen saýal joldady.
«Selınograd aýdany boıynsha polısııa bólimine tirkelgen ótinish qaraldy. Atalǵan fakti boıynsha QR ÁQBtK-niń 434-2-babynyń 1-bóligimen (qoǵamdyq oryndardy, saıabaqtardy, skverlerdi lastaý, onyń ishinde anyqtalmaǵan oryndarǵa kommýnaldyq qaldyqtardy shyǵarý) boıynsha ákimshilik hattama toltyryldy. Qaraótkel aýyldyq okrýginiń ákimi Daýyltaev Talaptan Qarshyǵyulyna ákimshilik shara qoldanyldy», dep jazdy polısııadaǵylar.
