Turizm_jane_sport_ministrligi
Sala basshysymen ótken kezdesýge oblystaǵy sport federasııalarynyń basshylary, týrızm baǵytynda sharýasyn dóńgeletip otyrǵan kásipkerler, BAQ ókilderi, qoǵam belsendileri qatysty. 2025 jylǵa deıin memlekettik-jekemenshik áriptestik negizinde 113 jańa sport nysany salynady, qoldanysqa berilgen 26 nysanǵa kúrdeli jóndeý júrgizilip, qaıta jańǵyrtylady. Qostanaı oblysynda memlekettik-jekemenshik áriptestik baılanys arqyly «Tobyl-Arena» jabyq fýtbol stadıony, «Qostanaı» sporttyq-oıyn-saýyq kesheni, 50 metrlik júzý basseıni jáne muz sport saraıy sııaqty nysandar qaıta jańartylyp, paıdalanýǵa berildi.
Aldaǵy ýaqytta mamandandyrylǵan sport mektep-ınternat-kolledji ashylmaq. Mınıstr Qostanaı oblysynda qysqy sport túrleri qarqyn alyp kele jatqanyn, biraq jazǵy sport túrlerine de basa mán berý qajettigin aıtty.
