Ádilet mınıstri Aıaz Baetovtiń aıtýynsha, bul tehnologııa úıqamaqqa alý rejımin buzý jaǵdaılarynyń sanyn azaıtýǵa, sondaı-aq quqyq qorǵaý organdarynyń tıimdiligin arttyrýǵa septigin tıgizedi.
Bilezikter otbasyndaǵy zorlyq-zombylyq máselesin sheshýde tıimdiligin kórsetedi degen paıymda sheneýnik.
«Otbasynda zardap shekken adamǵa qorǵaý orderiniń ornyna –arnaıy jeton, al zorlyq-zombylyq jasaýshyǵa elektrondy bilezik beriledi. Zorlyqshy zardap shekken adamǵa 1 shaqyrymnan az qashyqtyqta jaqyndaǵan kezde dabyl belgisi iske qosylady. Bul jaǵdaıda dabyl belgisi tek jetonǵa emes, quqyq qorǵaý organdaryna da túsedi», - dep jazdy mınıstrdiń sózin Kabar saıty.
Vedomstvo basshysynyń atap ótýinshe, qazirgi ýaqytta mınıstrlik elektrondy bilezikterdi engizýge tolyq daıyn, biraq Jogorký Kenesh zań jobasyn áli qarastyrǵan joq.
