Vedomstvonyń habarlaýynsha, polıseıler kontrabandany uıymdastyrýshy degen kúdikke ilingen nıgerııalyq azamatty tergep jatyr, ol Qazaqstan azamatyna elder arasynda zattardy tasymaldaý arqyly aqsha tabýdy usynǵan. Onyń Nıgerııada qamaýǵa alynǵanyna bir jarym jyldaı ýaqyt ótti. Alaıda, kúdikti Qazaqstanǵa ekstradısııalanbaıdy.
«Nıgerııa azamaty Adındý Nonso Fortýnǵa qatysty qylmystyq is «Adamdar tobynyń aldyn ala sóz baılasýymen esirtki quraldaryn, psıhotroptyq zattardy ótkizý maqsatynda zańsyz alý, saqtaý, tasymaldaý» boıynsha tergelip jatyr, sol sebepti is óte aýqymdy», delingen aqparatta.
Dıplomatııalyq arnalar arqyly ony ekstradısııalaý týraly ótinish Nıgerııanyń quzyrly organdaryna jiberilgen.
Aıta keteıik, Aqjarqyn Turlybaı 2014 jyly Gýanchjoý áýejaıynda ustalǵan bolatyn. Ol esirtki kontrabandasy úshin aıyptalyp, ómir boıyna bas bostandyǵynan aıyrylǵan.
2015 jyly Qazaqstannyń Ishki ister mınıstrligi Aqjarqyndy esirtki qylmysyna aldap ıtermelegen Nıgerııa azamatyna qatysty qylmystyq is qozǵady. 2022 jylǵy 20 maýsymda Aqjarqyn Turlybaıdyń advokaty Suńqar Nurmaǵambetov kúdikti Nıgerııa azamaty shetelde ustalǵanyn málimdedi. Buǵan deıin oǵan halyqaralyq izdeý jarııalanǵan bolatyn.
