Sondyqtan aýa raıy ózgergen kezde ınsýltke shaldyǵýshylar sany artady. Mamandar, tipti sońǵy kezderi jastar arasynda da atalǵan derttiń dendep ketkenin tilge tıek etti.
35 jastaǵy almatylyq turǵyn ınsýlttiń birden eki túrin alyp, aýrýhanaǵa túsken. Ol basynyń aýyrǵanyn aıtyp, 2 kún boıy júre beripti. Keıin esinen tanyp qulaǵan kezde ǵana Shymkent qalalyq №2 aýrýhanaǵa jetkizilgen. 1 aptadaı jansaqtaý bóliminde jatqan Baǵlan qazir palataǵa aýysty.
«Basym aýyrdy. О́zim bilmeı qaldym ne bolǵanyn. Esimdi joǵaltyp quladym, kózimdi ashsam osynda jatyrmyn. Esimde eshteńe joq» – deıdi Baǵlan.
Naýqas basynyń aýyrǵanyn kóp ýaıymdaǵannan dep topshylaǵan. Al mamandar jigittiń qan qysymy 160-tan joǵary kóterilip ketkenin anyqtaǵan. Qazir ol jansaqtaý bóliminen shyǵarylǵanmen, esin tolyq jınap úlgermepti.
«Túsken kezde aýyr halde boldy. Jansaqtaý bóliminde es-tússiz jatty. Qazir naýqastyń esi tolyq emes, emdelip jatyr. Ishımııalyq ınsýlt alǵan. Keıin transformasııa bolyp, tamyry jarylyp ketken. Áserinen mıyna qan ketken. Bul aralas ınsýlt dep atalady», deıdi ortalyq meńgerýshisi Rýslan Tastanbekov.
Dárigerler ınsýltti erte anyqtasa, jazylý múmkindigi joǵary bolatynyn aıtady. Al kúz-qys aılarynda atalǵan dertke shaldyǵý kórsetkishi artatyn kórinedi. Onyń sebebin aq halattylar kúnniń sýytýymen baılanystyrady. Aýa raıy ózgergen kezde qan qysymy da tez ózgergish keledi.
«Aýa raıy aýysady ǵoı, soǵan baılanysty arterııalyq qan qysymy joǵarylaı bastaıdy. Qan qysymy turaqty bolmaǵandyqtan gemorragııalyq ınsýlt kóbeıdi. Jaz aılarynda 30 paıyzdaı bolsa, qazir 50 paıyzǵa deıin ınsýltpen kelýshiler sany kóbeıdi», deıdi Insýlt ortalyǵynyń meńgerýshisi Rýslan Tastanbekov.
Qazir mamandar ınsýltke shaldyqqan naýqastardy Serebra atty baǵdarlamamen baqylaý múmkindigine ıe bolǵan. Onda azamattyń kompıýterlik tomografııa, analız nátıjeleri jarııalanady. Sol arqyly kez kelgen ýaqytta aýrý saldaryn anyqtap, em-dom sharalaryn kórsetý jeńildeıdi.
