Eske salaıyq, «Ádildik joly» RQB fılıaly men QR Sybaılas jemqorlyqqa qarsy is-qımyl agenttiginiń Atyraý oblysy boıynsha departamenti birlesip júrgizgen tekserý barysynda 2017 jyldan 2023 jyldyń qyrkúıek aıyna deıingi aralyqta , «Halel Dosmuhamedov atyndaǵy Atyraý ýnıversıteti» KEAQ «Ekonomıka jáne quqyq» fakýlteti dekanynan jalpy somasy 1 mıllıon teńgege jýyq zańsyz eńbekaqy eseptelgen, bul onyń jumys ornynda bolmaǵanyna qaramastan tólengen. О́ıtkeni, ol birneshe ret shetelge saıahattaǵan.
Bul aqparatqa atalmysh oqý ornynyń baspasóz qyzmeti túsinikteme berdi.
«Joǵary oqý ornynyń atalǵan burynǵy qyzmetkerine jalaqy esep kartasyna sáıkes issaparǵa josparlanǵan ýaqyttan erte ketken nemese kesh qaıtqan kúnderi, sondaı-aq belgili bir kezeńde otbasylyq jáne densaýlyǵyna baılanysty bolmaǵan kúnderi úshin qate eseptelgen jáne tólengen. Ýnıversıtetke keltirilgen shyǵyndy burynǵy dekan anyqtalǵan soma boıynsha tolyǵymen ótep berdi», - delingen habarlamada.
Anyqtalǵandaı, 2023 jyldyń 20 qazanynda eńbek tártibin buzǵany úshin dekan qyzmetinen bosatylyp, 2023 jyldyń 1 qarashasynda atalǵan qyzmetkermen eńbek sharty tolyǵymen buzylǵan. Osy buzýshylyqtarǵa ákep soqqan nemquraılylyq tanytqan laýazymdy tulǵalar tártiptik jaýapkershilikke tartyldy.
«Ýnıversıtettiń barlyq qurylymdyq bólimsheleriniń basshylarymen eńbek tártibi talaptaryn múltiksiz saqtaý qajettigi jáne olardy buzýdyń yqtımal saldary týraly túsindirý jumystary júrgizildi», - dep túıindedi oqý orny.
