Foto: gov.kz
«Balalardyń jas erekshelikterin eskere otyryp, mektepke deıingi mekemelerdiń tárbıelenýshileri men bastaýysh synyp oqýshylaryna arnalǵan «Juldyzdy jol» olımpıadasy, «Elorda Erketaıy» shyǵarmashylyq baıqaýy, «Bestemshe» sporttyq is-sharasy, 2-7 synyp oqýshylaryna arnalǵan qalalyq ǵylymı jumystar men shyǵarmashylyq jobalar baıqaýy, 2-4 synyp oqýshylary arasyndaǵy Respýblıkalyq pándik olımpıada jáne t.b.
Orta býyn oqýshylary úshin jalpy bilim beretin pánder boıynsha jasóspirimder olımpıadasy, 5-6 synyptar úshin respýblıkalyq pándik olımpıada, 7-8 synyp oqýshylary úshin geografııa boıynsha Ulttyq olımpıada, hımııa jáne bıologııa boıynsha Ulttyq olımpıada ótkiziledi. Osy zııatkerlik týrnırlerdiń jeńimpazdary men júldegerleri «Daryn» respýblıkalyq ǵylymı-praktıkalyq ortalyǵynyń dıplomdarymen, medaldarmen jáne baǵaly syılyqtarmen marapattalady.
Joǵary synyp oqýshylary úshin respýblıkalyq deńgeıdegi prezıdenttik jáne lıngvıstıkalyq olımpıadalar, jalpy bilim beretin pánder boıynsha ǵylymı jobalar baıqaýy, qalalyq jáne respýblıkalyq «Abaı oqýlary», «Aqseleý oqýlary», «Qadyr oqýlary», «Maǵjan oqýlary», ıntellektýaldyq jáne shyǵarmashylyq baıqaýlar: «Abaı álemi», «Meniń kishi Otanym», «Meniń bastamam – meniń Otanym úshin», halyqaralyq STEM olımpıadasy, «Robotek Grand Tournament» respýblıkalyq robototehnıka týrnıri, robototehnıkadan ǵylymı-tehnıkalyq jobalar baıqaýy.
«Jyl saıyn olımpıada qozǵalysynyń sapasy artyp, qatysýshylar qatary kóbeıip keledi. Tek 2023 jyldyń ózinde Astana olımpıadashylary 522 medal ıelendi, onyń 257-si – respýblıkalyq, 265-i – halyqaralyq. Astana quramasy jyl saıyn «Eń úzdik olımpıadalyq komanda» ataǵyn jeńip alady.
Zııatkerlik olımpıadalarǵa sapaly daıyndalý jáne sátti óner kórsetý úshin «Astana daryny» daryndy balalar men talantty jastardy anyqtaý jáne qoldaý ortalyǵy kanıkýl kúnderi oqý-jattyǵý jıyndaryn ótkizedi jáne jıyn kezinde ótken jyldardaǵy halyqaralyq olımpıadalardyń burynǵy jeńimpazdary men júldegerleri tájirıbelerimen bólisip, jas zııatkerler daıyndyǵyna óz úlesterin qosady», dedi spıker.
Mektep túlekterine mamandyq tańdaýǵa jáne olardyń talaptary men qajettilikterine sáıkes keletin oqý ornyn tańdaýǵa kómektesý úshin Ortalyqta «Qabilet» kásiptik baǵdar berý qyzmeti jumys isteıdi.
Atalǵan qyzmettiń negizgi maqsaty – 7-11 synyp oqýshylarynyń zııatkerlik qabiletteri men kásibı ózin-ózi taný, onyń psıhologııasyn, daǵdysyn, bilimin, daryndylyǵyn eskere otyryp, oqýshynyń kez kelgen mamandyqqa beıimdiligin anyqtaýǵa baǵyttalǵan.
«Daryndy balalardy qoldaý jáne yntalandyrý maqsatynda qala ákimi jyl saıyn elordanyń daryndy oqýshylary – halyqaralyq, respýblıkalyq olımpıadalar men ǵylymı joba baıqaýlarynyń jeńimpazdary jáne júldegerlerimen kezdesedi. Oqýshylar Astana qalasy ákiminiń atynan alǵys hattarmen jáne aqshalaı sertıfıkattarmen marapattalady.
Astanadaǵy bilim berý salasynyń júıeli jáne jemisti jumysynyń arqasynda elordalyq mektep oqýshylarynyń esimderi halyqaralyq ıntellektýaldyq arenalarda jıi estilip júr.
Halyqaralyq reıtıngtik olımpıadalardyń jeńimpazdary men júldegerleri (IMO, ICho, IPho, IGeo, IOI, IOL) Qazaqstannyń joǵary oqý oryndarynyń bilim berý granttaryn ıelense, sonymen qatar bedeldi shetel ýnıversıtetterine 100% jeńildikpen oqýǵa shaqyrtý alady», dep atap ótti Bilim basqarmasy basshysynyń orynbasary.
Memlekettiń jan-jaqty qoldaýy men elimizdiń oqýshylarynyń jetistikteriniń arqasynda tarıhta tuńǵysh ret 2024 jyldyń shildesinde Astanada bedeldi álemdik olımpıadalardyń biri – bıologııa boıynsha Halyqaralyq olımpıada ótedi.
