Depýtattyń aıtýynsha tehnologııa alǵa ozǵan saıyn, balalarymyz salt-sanamyzdan alystap barady. Balalarǵa úlgi retinde ulttyq folklor keıipkerlerine negizdelgen beınelerdi belsendi túrde qalyptastyryp, nasıhattaý qajet.
Balalarǵa arnalǵan ulttyq sapaly shyǵarma-týyndylar toptamasynyń jetispeýshiligi de baıqalyp otyrǵanyn aıtqan senator balalar teatrlarynyń azdyǵyna jáne olardyń repertýarynda ulttyq folklorǵa negizdelgen qazaq tilindegi qoıylymdarynyń joqtyǵyna da toqtaldy.
«Biren-saran qoıylymdardyń ózi eskirgen, tartymdylyǵy az. Osy rette oqý oryndaryn aıaqtap jatqan jas rejısserlar, dramatýrgter, kreatıvti ındýstrııa ókilderi otandyq balalar dramatýrgııasyna basa nazar aýdarǵany jón. Ádebıetimizde, folklorymyzda taqyryp ta, mazmun da, kontent te ábden jetkilikti. Tek ony zamanaýı formatta kópshilikke jetkizý qajet», dedi senator R.Rústemov.
Depýtat osyǵan baılanysty Úkimet basshysyna ulttyq kontentti qalyptastyrý máselelerine strategııalyq turǵyda mán berýdi, sondaı-aq teatrlar qurylysyn salý men balalar murajaıynyń ashylýyna qoldaý jasaýdy usyndy, aıtýynsha, álemdegi damyǵan elder balalar mýzeıi salasyn qundylyqty dáripteýdiń keshendi quralyna aınaldyrǵan.
