Jeltoqsannyń basynda jáne bir aıdyń ishinde respýblıkamyzdyń basym bóliginde aýa raıynyń turaqsyz sıpaty kútiledi. Soltústik óńirde qar, arakidik boran soǵady, ońtústik óńirlerde jaýyn-shashyn bolady (jańbyr, qar). Respýblıkamyz boıynsha tuman, kóktaıǵaq jıi oryn alady, aıdyń basynda elimizdiń soltústik-batysynda jáne soltústiginde soqqan jeldiń ekpini 30 m/s jáne odan da joǵary bolady dep boljanady. Jeltoqsannyń birinshi onkúndiginiń ekinshi jartysynda arktıkalyq sýyq aýa massalarynyń yǵysýyna baılanysty búkil el aýmaǵynda aýa temperatýrasy aıtarlyqtaı tómendeıdi.
Eldiń batysynda aýa temperatýrasy: túnde: -10...-20 gradýsqa deıin, kúndiz: -3...-13 gradýsqa deıin sýyq bolady.
Soltústikte, soltústik-batysta, shyǵysta jáne ortalyqta aýa temperatýrasy túnde: -20...-30 gradýsqa deıin, kúndiz -10...-20 gradýsqa deıin bolady dep kútiledi.
Respýblıkamyzdyń ońtústiginde jáne ońtústik-shyǵysynda túnde: -10...-20 gradýsqa deıin, kúndiz: -2...-10 gradýsqa deıin kún sýytady.
Jeltoqsannyń ekinshi jáne úshinshi onkúndikterinde sıklondardyń áserinen birneshe qarqyndy jylý tolqyndary júredi dep kútiledi.
Qazaqstannyń soltústik bóliginde aýa temperatýrasy túnde: -5...-10 gradýsqa deıin, kúndiz: 0...-5 gradýsqa deıin joǵarylaıdy.
Eldiń ońtústik bóliginde aýa temperatýrasy túnde: -3...+3 gradýsqa deıin, kúndiz: +5...+13 gradýsqa deıin bolady.
Alaıda jekelegen kúnderi soltústik-batystan enetin sýyq antısıklondardyń áserinen temperatýranyń tómendeýi boljanady:
Elimizdiń soltústik bóliginde aýa temperatýrasy túnde: -20...-30 gradýsqa deıin, kúndiz: -8...-15 gradýsqa deıi sýytady.
Qazaqstannyń ońtústik bóliginde aýa temperatýrasy túnde: -10...-17 gradýsqa deıin, kúndiz: -3...-10 gradýsqa deıin bolady.
Jalpy boljam boıynsha jeltoqsan aıynda el aýmaǵyndaǵy aýanyń ortasha temperatýrasy normadan 1- gradýs joǵary bolady dep kútiledi.
Jeltoqsanda jaýyn-shashyn mólsheri respýblıkamyzdyń basym bóliginde norma shamasynda, respýblıkanyń soltústiginde normadan kóp bolady dep boljanady.
