Onyń sózinshe, ýnıversıtet stýdentteri jynystyq qysym faktilerine jıi ushyrap jatyr.
"Otbasylyq turmystyq zorlyq zombylyqtyń aldyn alý kezek kúttirmeı sheshetin máselege aınaldy. Osy qorqynyshty jańalyqtar izimen harassment oqıǵalary da tez tarady. Jaqynda Astana medısına ýnıversıtetinde professor oqytýshynyń stýdentke jasaǵan jynystyq qysym faktisi jarııa boldy. Osydan keıin álemjettik kórgen stýdenntter óz oqıǵalaryn áleýmettik jelide bólise bastady. Jeke ózime elimizdiń ártúrli oqý oryndarynyń stýdentterinen júzden asa hat keldi. Osy oraıda harasmentke ushyraý yqtımaldyǵy óte joǵary bir top bar. Ol – stýdentter”, – deıdi Qaraqat Abden.
Ol sońǵy ýaqyttary mundaı jaǵdaılardyń kóp tirkeletinin alǵa tartty.
"Jynystyq qysymǵa ushyraǵan elordalyq boıjetkenniń isimen tanysyp, bul salada kemshilikterdiń kóbine kózimiz jetip otyr. Dál qazir oqý ornynda naqty qansha harasment oryn alǵanyn aıta almaımyz. Sebebi statıstıka júrgizilmeıdi. Al zańda harasment uǵymy joq. Jalpy zorlyq zombylyqtyń qaı túrin bolsyn, harasmentti de qatań qarap, zań jobasyna ózgerister men túzetýler engizý qajettiligi týyndap otyr. Bul joly stýdent qyzymyz batyl bolyp shyqty. Eshnárseni jasyrmaı, shyndyqty aıtyp, kináli jumystan shyǵaryldy. Biraq biz bul máselede stýdenttiń batyldyǵyna, basshynyń ádildigine ǵana senýimiz durys emes. Damyǵan elderde harasmenttiń jazasy óte aýyr. Bizge de keshendi sheshimder kerek”, – dep túsindirdi depýtat.
Ol birneshe usynystar aıtyp, bul máseleniń zań júzinde sheshilgenin qalaıtynyn jetkizdi.
"Keshe ǵana mektep bitirp, aýylynan shyǵyp kórmegen aq úrpek balapandaı jap jas qyzdardy qorǵaýymyz qajet. Qazaq qyzy óz basynan ótken mundaı jaǵdaıdy aıta bermeıdi. Maǵan da bul taqyrypty kóterý ońaı bolǵan joq. О́ıtkeni bizdiń tárbıemiz osyndaı. Osyǵan baılanysty birneshe usynysymyz bar. Birinshi, harasmentke qatysty anonımdi saýalnamany elimizdiń barlyq joǵarǵy oqý oryndarynda táýelsiz túrde ótkizýdi suraımyz. Ekinshi, professorlyq oqytýshy quram men barlyq stýdent qyzdarǵa harasmentke qatysty zańnamalyq quqyqtyq túsindirme jumystaryn júrgizý qajet. Úshinshi, oqý ǵımarattaryn beınekameralarmen tolyq qamtamassyz etýdi jáne barlyq JOO lardyń jarǵysyna harasment týraly naqty erejeler engizýdi suraımyn. Harasment te zorlyq zombylyqtyń bir túri”, – dedi Qaraqat Abden.
