О́ner ıesiniń paraqshasyna shyqqan beınejazbadan onyń marqum jubaıy, kórnekti saıasatker Zamanbek Nurqadilov pen qyzy Mereıdiń búldirshin kezin baıqaýǵa bolady.
«Ana bolý – paryz. «Balasy bar úı – bazar» dep qazaq beker aıtpaǵan. Sońǵy kezde minezim de jaman bolyp bara jatqan edi. Kóp oılanǵannan shashym da túsip, uıqym da qanbaıtyn qıyn kezeń edi. Tipti, shashyma aq túsip, densaýlyǵym da syr berip edi. Qanshama jerge baryp emdelsem de esh nátıje bolmady», degen ánshi sol ýaqytta birneshe márte ota jasatyp, sátsiz bolǵanyn da atap ótken.
Sol jyldary ómirden túńilip ketkenin de esine alady Maqpal Júnisova. Alaıda, kishkentaıyn bosanǵannan keıin, ómiri basqa arnaǵa burylǵanyn atap ótedi.
«Qyzymnyń dúnıege kelýi ómirimdi kúrt ózgertti. Aǵaıyn-týystan bólek, halyq Zákeń ekeýmizdiń balamyz bolǵanyn qalady. Kóp tilegi qabyl bolyp, Mereı qyzymyz dúnıege keldi. Qazir bar qyzyǵymyzǵa aınaldy. «Mama» degen sózi júregimdi eljiretedi. Men «Perishtem» dep ataımyn. Barǵym kelmeıtin jerden qyzym alyp qalady. Perishte qalpymen meni qorǵap júretinin sezemin. Qudaıdan suramasam da bala týatyn áıelderge qyzyǵatyn edim. Maǵan nege bir bala bermeıdi dep. Barlyǵy qudaıdyń isi eken», deıdi Maqpal Júnisova vıdeoda.
Ol balasyn týyp dalaǵa tastap ketip jatqan zamandastaryn estigende shoshıtynyn jetkizedi.
«Meniń de tilegim qabyl bolyp, Zákeń ekeýimiz qyzdy boldyq. Mereı ómirimdi kúrt ózgertti. Minezim de durystalyp, densaýlyǵym da qalypqa keldi. Meıirimdi bolýdy úırendim», deıdi ánshi beınejazbada.
