SOR 28 konferensııasy 30 qarasha - 12 jeltoqsan aralyǵynda ótedi.
Dúnıejúzilik meteorologııalyq uıym 2023 jyl rekordtyq eń ystyq jyl bolǵanyn habarlap, bul álemge úlken qaýip tóndiretinin eskertti.
SOR 28 konferensııasynyń ashylýynda BUU-nyń Klımattyń ózgerýi týraly negizdemelik konvensııasynyń atqarýshy hatshysy Saımon Stıll «álem biz kezdesetin kúrdeli klımattyq áserlerge eń jaqsy jaýap berý sharalaryn ázirleý úshin tym baıaý áreket etip jatyr», dep málimdedi.
Sondaı-aq BUU Bas hatshysy Antonıo Gýterrısh SOR 28 ashylýynda «álem naqty ýaqyttaǵy klımattyq kúıreýdi bastan ótkerýde jáne onyń saldary joıqyn ekenin aıtyp, álem elderiniń kóshbasshylaryn máselege den qoıýǵa shaqyrdy.
«Esterińizge sala keteıik, 2015 jyly Parıjdegi klımattyń ózgerýi jónindegi 21-shi konferensııada 2100 jylǵa qaraı jahandyq temperatýranyń ındýstrııaǵa deıingi deńgeıden 1,5°C-qa deıin kóterilýin shekteý úshin jahandyq ujymdyq áreketterdi jumyldyrǵan Parıj kelisimine qol qoıyldy. Sondaı-aq qujat klımattyń ózgerýiniń burynnan bar saldaryna beıimdelý boıynsha sharalar qabyldaýdy kózdeıdi. 2023 adamzat úshin eń ystyq jyl boldy. Buryn sońdy bolmaǵan rekordtar jańartyldy. Klımattyń jahandyq jylynýyna qarsy jumyla jumys isteý kerek», dedi BUU Bas hatshysy Antonıo Gýterrısh.
