«Elektrondy jetekshi» – kózi nashar kóretin jandardyń júrip-turýyna kómektesetin ınnovasııalyq qurylǵy. Taıaqtaǵy datchık paıdalanýshynyń jolyndaǵy kedergilerdi aldyn ala anyqtap otyrady ári dybystyq nusqaýlar beredi. Sondaı-aq paıdalanýshyǵa qajetti oryndy tabýǵa kómektesetin mobıldi qoldanbalar da bar. Aınaladaǵy ártúrli nysandardy jáne basqa da mańyzdy bólshekterdi anyqtaýǵa kómektesetin kompıýterlik kórý tehnologııasy da qarastyrylǵan. Buǵan qosa qosymsha múmkindikterdi paıdalaný úshin qurylǵyny smartfonǵa qosýǵa múmkindik bar.
Jobany ınformatıka páni muǵalimderi Altynaı Ybyraeva men Araılym Ysqaqova, orys tili páni muǵalimi Aıjan Qýandyqova, matematıka páni muǵalimi Danııar Nadyrbaev jasap shyqqan.
«Eń birinshi Arduino men ýltrodybystyq datchık arasynda baılanys bolý úshin ony symdarmen jalǵadyq. Bul kedergilerdi kóredi. Kelesi zýmmer datchıgin qosyp, dybysyn qamtamasyz ettik. Qýat berý úshin batareıa qajet boldy. Arduino baǵdarlamasyn paıdalanyp, C++ tilinde baǵdarlama jazdyq. Kompıýter men jasaǵan mashınany USB shnýrmen jalǵap, jazǵan baǵdarlamany elektrondy jetekshige júktedik», deıdi joba avtorlary.
Muǵalimder «Elektrondy jetekshi» qurylǵysyna jumsalatyn shyǵyn men kiristi de oılastyrǵan. Olardyń aıtýynsha, bir taıaqshany jasap shyǵarýǵa 7 860 teńge qajet, al ony naryqta 17 myń teńgege satýǵa bolady. Elimizde mundaı qurylǵy joq, sondyqtan baǵasy da qoljetimdi.
Aldaǵy ýaqytta joba avtorlary múgedekter qoǵamymen kelisip, memlekettik satyp alýǵa qatysýdy josparlap otyr. Aıta keteıik, muǵalimder jobasy qarasha aıynda IT chempıonatqa qatysty.
