Sýretti túsirgen – Erlan OMAR, «EQ»
Mádenıet jáne aqparat mınıstrligi men Ulttyq volonterlik jeliniń qoldaýymen ótken merekelik basqosýda Májilis depýtaty Vera Kım qoǵamdaǵy volonterliktiń mańyzdylyǵyna, onyń basym baǵyttary men jetistikterine jiti toqtaldy.
– El damýyndaǵy volonterlerdiń róline volonterlik jáne qaıyrymdylyq qyzmeti arqyly áleýmettik áriptestiktiń áleýetin arttyrýǵa Memleket basshysy tarapynan erekshe nazar aýdaryldy. Nátıjesinde, volonterlik qozǵalystyń jalpyulttyq aýqymy ósip kele jatyr. Otandastarymyzda jaqsylyq jasaýǵa, kómek kórsetýge jáne ómirin jaqsy baǵytqa ózgertýge degen nıeti men qarym-qabileti qalyptasyp keledi. Osynaý mańyzdy kúnde «Volonter bolý ońaı» atty qysqy meıirim aptalyǵynyń bastalǵanyn habarlaımyz. Mádenıet jáne aqparat mınıstrliginiń qoldaýymen Ulttyq volonterlik jeli uıymdastyrǵan bul bastama qoǵam ıgiligi úshin volonterlik jobalardy yntalandyrý jáne júzege asyrýdy kózdeıdi. Igi bastama 4-10 jeltoqsan aralyǵynda ótedi, – dedi depýtat.
О́z kezeginde Mádenıet jáne aqparat vıse-mınıstri Danııar Qadyrov respýblıkalyq jáne halyqaralyq deńgeıde volonterlikti damytý boıynsha strategııalyq qujattar men bastamalardy qabyldaýdyń mańyzdylyǵyna toqtaldy.
– Keler jyly AО́SShK-ge múshe elder volonterler kezdesýin ótkizedi. Osy turǵyda Qazaqstan óz mindettemelerin dáıekti jáne maqsatty túrde júzege asyryp, el ishinde jáne Ortalyq Azııa óńirinde ǵana emes, volonterlik qyzmet pen volonterlerdiń deńgeıin jahandyq turǵyda arttyrýǵa umtylyp keledi. Bul áleýmettik, ekonomıkalyq jáne saıası salalardaǵy sońǵy oqıǵalarǵa baılanysty óte mańyzdy, óıtkeni volonterler ortaq maqsatqa – beıbitshilik pen izgilikke umtylǵan izgi nıetti adamdar, – dep atap ótti vıse-mınıstr.
Sımpozıým barysynda elimizdiń volonterlik tájirıbesinen bólek, álemdegi volonterlik áleýeti týraly 2025 jylǵy jáne BUU-nyń Ortalyq Azııadaǵy volonterlerdiń jaǵdaıy týraly alǵashqy baıandamalardy daıyndaý tásili usynyldy.
Sondaı-aq sessııada Qyrǵyzstan, Tájikstan jáne О́zbekstannyń jetekshi volonterlik uıymdarynyń ókilderi óz óńirlerinde volonterlik baǵyttyń damýy týraly aqparatpen bólisip, óńirlik deńgeıde volonterlik bastamalardy odan ári damytý týraly usynys-pikirlerin ortaǵa saldy. Is-sharaǵa memlekettik organdardyń, halyqaralyq uıymdardyń, sheteldik elshilikterdiń ókilderi men volonterlik qyzmet salasyndaǵy sarapshylar jıyldy.
