Halyq qalaýlysy qazaq tiline qushtar ýkraın qyzyn keziktirgen.
"Jolaýshy Ekaterına! Katıaǵa rıza bolǵanym, ushaqta 90 mınýt boıy qazaq tilin oqyp, planshette túrli jattyǵý, tapsyrmalardy oryndap keldi. Ushaq qonar sátte shydaı almaı suradym:
- Ne úshin qazaq tilin oqyp jatyrsyz?
- Men Ýkraınadan 1 jyl buryn keldim. Qazir bilim salasynda jumys istep júrmin. Meniń oıymsha, qaı elde ómir súresiń, sol eldiń tilin árkim bilý kerek. Sol úshin úırenip júrmin. Biraq sizderde qazaqtardyń ózderi qazaqsha bilmeıdi eken. Sol nársege tańǵaldym.
- Mmm, ıá bar sondaı adamdar. Bizde qazaq tilin mensinbeı júrgender jetedi.
- Ol durys emes. Bilmese, oqysyn, úırensin. Múmkindik kóp qoı. Men tegin saıttardy oqımyn, ári 75000 teńgege qazaq tilin úıretetin kýrs satyp alǵanmyn. Sony da qatar oqyp júrmin", dep jazdy Dáýlet Muqaev. Ýkraın arýy, tipti bir jylda qazaq tilinde tolyǵymen sóıleýge ýáde bergen.
