Mınıstr máseleni sheshý úshin aımaq ákimdikteri pedagogıkalyq mamandyqtarǵa memlekettik bilim berý tapsyrysyn óńirdegi qajettilikke qaraı saralap bólý qajet dedi. Halyq sanynyń artýyna baılanysty pedagog mamandarǵa suranys aldaǵy 5 jylda Almaty, Astana jáne Shymkent qalalary men Almaty, Atyraý, Túrkistan oblystarynda kúrt artýy múmkin.
Al pedagog mamandardy daıyndaıtyn kolledjderge mınıstrlik talapty kúsheıtip otyr.
«Bıyldan bastap mınıstrlik kolledjderge qoıylatyn biliktilik talaptaryn kúsheıtti. Atap aıtqanda, keminde 5 pedagogıkalyq mamandyq boıynsha lısenzııanyń bolýyn jáne bitirýshilerdiń keminde 90%-yn jumysqa ornalastyrýyn qamtamasyz etýi tıis. Budan basqa, akademııalyq utqyrlyq, mamandyq boıynsha lısenzııalaý, sondaı-aq pedagog kadrlardy daıarlaýda qashyqtan oqytýdy shekteý máselesi zańnamalyq turǵyda bekitilip jatyr», dedi Ǵanı Bısembaev.
Mınıstr 6 myńnan astam pedagog baǵdarlamalardy ázirleýdiń jańa tásilderi boıynsha biliktilikterin arttyrǵanyn baıandady.
«Kadrlardy daıarlaý sapasyn arttyrý jáne ádistemelik qamtamasyz etý maqsatynda «Pedagog» kásiptik standarty bekitildi. Nátıjesinde kolledjder jumys berýshilermen birlesip, Pedagog kásiptik standarty negizinde 554 baǵdarlamany, jańartyp iske asyrýda», dedi Oqý-aǵartý mınıstri.
