«Festıval daryndy jastardy anyqtaýǵa kómektesedi. Sol sııaqty daryndy balalar men ujymdardyń shyǵarmashylyq damýyna yqpal etedi. Stýdent jastardyń mádenı áleýeti sheksiz. Jastar shyǵarmashylyq festıvalge qatysý arqyly qazirgi jastardyń belsendi azamattyq ustanymyn, áleýmettik jaýapkershiligin, patrıottyq sezimderin, adamgershilik qundylyqtary men kóshbasshylyq qasıetterin qalyptastyra túsedi dep senemin», dedi Astana qalasy Jastar saıasaty máseleleri basqarmasynyń bólim basshysy Baǵdat Atymtaı.
Festıvaldiń konkýrstyq baǵdarlamasyna Astananyń 15 ýnıversıteti qatysady. Olar myna nomınasııalar boıynsha úzdikterdi anyqtaıdy: estrada, ulttyq bı, zamanaýı bı, mýzykalyq aspaptar, shahmat, poezııa, medıa, teatr, sýret, Qazaq Quiz.
«Jastar Jalyny-2023» festıvaliniń qazylar alqasynyń quramy elimizdiń eń tájirıbeli mamandarynan quraldy. Nomınasııalar boıynsha óner jáne mádenıet qaıratkerleri, elimizdiń eńbek sińirgen ártisteri, kásibı horeograftar men vıdeograftar baǵalaıdy.
Konkýrs jeńimpazdary aqshalaı sertıfıkattarmen marapattalady. Syıaqy qory: 1-oryn – 100 myń teńge (10 dana); 2-oryn – 70 myń teńge (10 dana); 3-oryn – 50 myń teńge (10 dana); Gran-prı – 500 myń teńge.
«Jastar jalyny-2023» baıqaýy jastar saıasaty salasyndaǵy basymdyqtar men mindetterdi iske asyrý, qala jastarynyń shyǵarmashylyq damýyna jaǵdaı jasaý, stýdent jastardyń rýhanı-mádenı áleýetin damytý maqsatynda ótkiziledi.
«Jastar Jalyny-2023» jastar shyǵarmashylyq festıvaliniń saltanatty jabylý rásimi 13 jeltoqsan kúni «Astana» konsert zalynda ótedi.
