Oblysta aýqymdy jumys atqaryp júrgen volonterlik uıymdardyń biri «Lider.kz» izdeý jasaǵy joǵalǵan adamdardy izdeý, tótenshe jaǵdaı kezinde kómek kórsetý jumystaryna belsene qatysyp keledi. «Danalyq» qoǵamdyq qory ótken jyldan beri «Asyl mura» jalpyulttyq jobasyn respýblıka kóleminde iske asyryp júr. Belsendi jastardan turatyn bastamashyl toptar áleýmettik álsiz toptarǵa kómektesýge ár kezde daıyn. Abaı oblysyndaǵy volonterlerdiń jumys deńgeıi Semeı ormanynda bolǵan tótenshe jaǵdaı kezinde de aıqyn kórindi. 300-den asa volonter arnaıy qurylǵan shtabtarda kúni-túni kómek kórsetkenine sol oqıǵaǵa oraı barǵanymyzda kýá boldyq.
Jalpy, jyl basynan beri oblys boıynsha 458 volonterlik is-shara uıymdastyrylǵan. Bul jumystar «Taza álem», «Qamqor», «Asyl mura», «Bilim», «Sabaqtastyq», «Aıala», taǵy da basqa baǵyttar boıynsha oryndalyp otyr. Respýblıka boıynsha iske asyrylyp jatqan «Biz birgemiz!» jalpyulttyq jobasy aıasynda oblystyń ÚEU men bastamashyl toptary 15 shaǵyn grant jeńimpazy atandy.
Oblystaǵy volonterlik qozǵalystardy damytý maqsatynda «Abaı oblysynyń qoǵamdyq damý basqarmasy» MM áleýmettik tapsyrysy aıasynda «Jastardyń volonterlik bastamalaryn qoldaý» áleýmettik jobasy iske asyrylyp keledi. Joba aıasynda oblys volonterleriniń bazasy daıyndalyp, volonterlik uıymdar reestri jasalmaq.
Abaı oblysynyń volonter jastary jyldy tabysty aıaqtady. Jyl qorytyndysynda «Biz birgemiz!» jalpyulttyq jobasy aıasynda «Intellektýaldy jastar qaýymdastyǵy» QQ júzege asyrǵan «Báseke» jobasy úzdik dep tanyldy. «Uly dala saryny» baıqaýynda qaýymdastyq «Jyldyń úzdik uıymy» atalymyn, Rýslan Býtanaev «Úzdik qoǵamdyq qyzmetker» atalymyn jeńip aldy. Al «Jyl volonteri» halyqaralyq syılyǵyn tabystaý rásiminde «Aq nıet» uıymynyń jetekshisi A.Dúısenova men BUU-nyń esirtkige qarsy kúres uıymynyń eriktisi R.Býtanaevtyń marapattalǵany qýantady.
