Qylmys Qaraǵandy oblysy polısııa departamentiniń uıymdasqan qylmysqa qarsy kúres basqarmasy prokýratýranyń úılestirýimen áshkere boldy.
Sonymen qatar qylmystyq toptyń qatysýshylary qarýlardy qoldanyp, krımınaldyq janjaldarǵa qatysqan. Atalǵan aımaqtaǵy Abaı aýdanyna qarasty temirjol stansııasynda tasymaldanatyn júkterdi de urlaǵan. Kúdikti adamdardy ustaý barysynda 15-ke jýyq tintý is-sharalary júrgizildi, sonyń nátıjesinde tirkelmegen atys jáne sýyq qarýlar, sondaı-aq oq-dáriler men dinı ádebıetter tárkilendi.
Barlyǵy 10 adam ustaldy, olardyń ishinde toptyń kóshbasshysy men eń belsendi tórt múshesi qamaýǵa alyndy.
«Qazirgi ýaqytta qylmystyq top músheleriniń basqa da osyndaı qylmystarǵa qatysy bar-joǵy tekserilip jatyr. Qylmystyq isti Qaraǵandy oblysy polısııa departamenti tergeýdi qolǵa aldy. Qylmystyq proseske qatysýshylardyń múddeleri úshin sotqa deıingi tergep-tekserýdiń basqa málimetteri jarııa etilmeıdi», dedi QR IIM uıymdasqan qylmysqa qarsy kúres departamentiniń ókili Qýandyq Alpys.
